सिसहनियाँका अमृत अधिकारीले आफ्नो जन्मदिनमा निलसागरलाई म्याट्रेस र तन्ना सहयोग गरे

सिसहनियाँ २५ भदौ । दाङको राप्ती गाउँपालिका–५ प्रगतिनगर सिसहनियाँ निवासी अमृत अधिकारीले आफ्नो ३७ औं जन्म दिनका अवसरमा निलसागर सेवा आश्रममा म्याट्रेस र तन्ना सहयोग गरेका छन् ।जन्म दिनको अवसर पारेर अधिकारीले बुधबार राप्ती गाउँपालिका वडा नम्बर ८ मिलनडाँडामा रहेको निलसागर सेवा आश्रमलाई करिव २५ हजार ४ सय ५० रूपैयाँ बराबरको म्याट्रेस र तन्ना  हस्तान्तरण गरेका छन् । जन्मदिनमा केक काट्ने, पाटी गर्ने तथा फजुल खर्च गर्ने संस्कारलाई चुनौती दिदै अधिकारीले जन्मदिनको अवसरमा रचनात्मक कार्य अन्तर्गत सडक मानब आश्रितहरुलाई निलसागर सेवा आश्रममै पुगेर सो सामाग्री प्रदान गरेका हुन् ।

जन्मदिनमा केक काट्नु, पाटी गर्नु तथा फजुल खर्च गरेर जन्मदिन मनाउने हाम्रो संस्कार होइन, हजुरबुवा अधिकारीले भने । हामीले जन्मदिन जस्ता पबित्र कार्यहरुमा यस्ता अनाथ, असाहयहरु बस्ने आश्रमहरुलाई सहयोग गर्नु नै सच्चा धर्म भएको बताए । साथै उनले अरुलाई पनि यसरी नै जन्मदिन मनाउन सुझाब दिए । जसले समाज र नयाँ पुस्तामा समेत यस्तो संस्कारको सन्देश पुग्ने अधिकारीले बताए ।आश्रममा आएर थोरै भए पनि जन्म दिनको अवसरमा सहयोग गरेकोमा निलसागर सेवा आश्रमका कार्यवाहक अध्यक्ष गरिवु चौधरीले धन्यवाद दिनुका साथै जन्म दिनको शुभकामना दिएका थिए । सो अवसरमा नेपाल पत्रकार महासंघ लुम्बिनी प्रदेश सदस्य ओमप्रकाश गुप्ता, अधिकारीकी जिवनसंगिनी कमला न्याैपाने अधिकारी, छोरीहरू अनुष्का र अनुसा अधिकारीले पनि शुभकामना दिएका थिए ।