गोरखा आइडियल स्कुलद्वारा एसईईमा उत्तीर्ण हुने विद्यार्थी, अभिभावक र शिक्षकलाई सम्मान

भालुवाङ १४ असार । दाङको राप्ती गाउँपालिका-२ लालमटियामा रहेको गोरखा आइडियल स्कुल लालमटियाले एसईईमा उत्तीर्ण हुने विद्यार्थी, अभिभावक र शिक्षकलाई बधाई सहित सम्मान गरेको छ ।

विद्यालयले आइतबार एक समारोहका बीच उनीहरूलाई सम्मान गरेको हो । एसईई परिक्षामा विद्यालयले शतप्रतिशत नतिजा ल्याएपछि २५ जना विद्यार्थी र उनीहरूका अभिभावक, विषयगत ९ जना शिक्षकलाई फुलमाला, टीका, मायाको चिनो स्वरूप डायरी प्रदान गरि सम्मान गरेको हो । असार १३ गते प्रकाशित परिक्षाफल अनुसार कुल २५ जना परिक्षामा सहभागी विद्यार्थी मध्य ९ जनाले ए प्लस, १० जनाले ए, ४ जनाले बि प्लस र २ जनाले बी ग्रेड ल्याएको विद्यालयका प्रिन्सिपल बसन्त बहादुर पुनले बताए । शत प्रतिशत नतिजा ल्याउन शिक्षक, अभिभावक, विद्यार्थीहरुको मेहनत रहेको प्रति विद्यालय प्रशासनले सवैमा धन्यवाद ज्ञापन गरेको छ । यस्तै स्कुलले शतप्रतिशत नतिजा ल्याउन सफल सम्पूर्ण विद्यार्थीलाई हार्दिक बधाई तथा उज्वल भविष्यको शुभकामना गरेको छ ।