भालुवाङमा माइक्रो बसले तीन वटा गाडी र प्रहरी विटमा ठक्कर दियो, एक महिला घाइते
भालुवाङ ७ फागुन । दाङ देउखुरीको राप्ती गाउँपालिका १ भालुवाङ पुल्चोकमा माइक्रोबसले ३ वटा गाडी र प्रहरी विटलाई ठक्कर दिनुका साथै एक महिला घाइते भएका छन् ।
आइतवार करिव दिउँसो साढे १ बजेको समयमा भालुवाङ पुल्चोकमा लमही जानका लागि पार्किङ गर्दै गर्दा रा १ ख १८०३ नम्बरको माइक्रो बसको ब्रेक फेल भएर पार्किङ गरि राखेका लु ३ च ६८०० नम्बरको बोलेरोलाई ठक्कर दिदा त्यहि पार्किङ गरि राखेका बा १५ च ९७४४ नम्बरको कार, बा ११ च १५४४ नम्बरको बोलेर र प्रहरी विटमा ठोक्किएको इलका प्रहरी कार्यालय भालुवाङले जानकारी दिएको छ ।
माण्डवी गाउँपालिका १ तिराम निवासी २८ वर्षिया आरती रोका घाइते भएका छन् । त्यहाँ उभिएका रोकालाई गाडीले ठक्कर दिएको थियो । घाइतेको भालुवाङ अस्पतालमा उपचार गरिएको छ । सडक छेउमा अव्यवस्थित तरिकाले गाडी पार्किक र प्रहरी विट समेत सडक छेउमै राखिएकोले दुर्घटनाको जोखिम बढेको हो ।
