सल्यानमा विमानस्थलका लागि सम्भाव्यता अध्ययन सुरु
सल्यान १ पुस । नेपाल नागरिक उड्डयन प्राधिकरणले सल्यानमा विमानस्थल निर्माणका लागि सम्भाव्यता अध्ययन सुरु गरेको छ । जिल्ला प्रशासन कार्यालय सल्यानमा विमानस्थलका लागि आज बसेको बैठकपछि स्थान पहिचान गरेर प्राधिकरणले अध्ययन सुरु गरेको हो ।
प्राधिकरणको प्राविधिक टोलीले आज शारदा नगरपालिका ५ ढार हुँदै लुहापिङ्ग र चन्द्रपालाको स्थान अध्ययन गरेको थियो । नेपाल नागरिक उड्डयन प्राधिकरणका विमानस्थल निर्माण विज्ञ गुरुदत्त अधिकारीले सबै किसिमको अध्ययन गरिसकेपछि कुन स्थान विमानस्थल बनाउनका लागि उपयुक्त छ भन्नेबारे सार्वजनिक गरिने र त्यसपछि मात्र प्रक्रिया अगाडि बढाउने बताए ।
प्रतिक्रिया दिनुहोस्
