देशभर शनिबार थप १,८५७ जनामा कोरोना संक्रमण पुष्टि, २,२२२ संक्रमण मुक्त, २७ जनाको मृत्यु
काठमाडौं १२ भदौ । देशभर शनिबार थप १,८५७ जनामा कोरोना भाइरस संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार ९४०९ पीसीआर परीक्षणमा १,५१६ जना र ३,७६७ एन्टिजेन परीक्षणमा ३४१ जना गरी १८५७ जनामा संक्रमण पुष्टि भएको हो ।
यस्तै शनिबार कोरोना भाइरस संक्रमण मुक्त हुनेको संख्या २,२२२ रहेको छ भने संक्रमणका कारण २७ जनाको मृत्यु भएको छ । देशभर शनिबार काठमाडौं जिल्लामा ३७०, ललितपुरमा ११२ र भक्तपुरमा ६७ जना संक्रमित भेटिएका छन् ।
त्यस्तै कास्कीमा १२४, सुनसरीमा ११८, झापामा ११५, चितवनमा ११२, मोरङमा ७५, मकवानपुरमा ५८, सुर्खेतमा ४७, रुपन्देहीमा ४२, तनहुँमा २७ जनामा संक्रमण पुष्टि भएको छ ।
देशभर कोरोना भाइरसको सक्रिय संक्रमित संख्या ३६ हजार ८६६ रहेको छ । जसमध्ये ३३ हजार ८३५ जना होम आइसोलेसनमा र ३,०३१ जना संस्थागत आइसोलेसनमा रहेका छन् ।
प्रतिक्रिया दिनुहोस्
