होटल पौवाको १० औँ वार्षिक उत्सवको अवसरमा भालुवाङ शाखामा पनि स्वाद उत्सव कार्यक्रम शुरू

देउखुरी २६ चैत । होटल पौवाको १० औँ वार्षिक उत्सवको अवसरमा दाङको भालुवाङ शाखा सहित देशभरका शाखाहरूमा आज देखि एक साथ स्वाद उत्सव कार्यक्रमको उद्घाटन गरिएको छ । स्थापना भएको १० बर्ष पूरा भएको भन्दै होटल पौवाले सबै शाखाहरूमा तीन दिन सम्म स्वाद उत्सव कार्यक्रम शुरू गरेको हो ।

यसैबीच होटल पौवा भालुवाङमा पनि आज बिहिबार एक कार्यक्रमका बीच स्वाद उत्सवको उद्घाटन गरिएको छ । होटल पौवाका प्रबन्ध निर्देशक बिष्णुप्रसाद ज्ञवाली अध्यक्षताको कार्यक्रमको उद्घाटन गर्दै राप्ती उद्योग बाणिज्य संघ भालुवाङका अध्यक्ष सुरज खड्काले होटेल पौवा कै प्रदेश राजधानीको आवश्यकता पूर्ति गरेको बताए । उनले पौवाको आतिथी अतिथी सत्कार गर्ने तरिका निकै मनमोहक भएको बताए । उनले पौवाको यो स्टान्डरलाई कायम राख्दै ग्राहकको आवश्यकता र चाहना अनुसार थप सेवा बिस्तार गर्न आग्रह समेत गरे ।

यस्तै कार्यक्रममा बोल्दै होटल पौवाका प्रबन्ध निर्देशक बिष्णुप्रसाद ज्ञवालीले अबको दश बर्षमा देशभर एक वटा शाखा बिस्तार गर्ने लक्ष्य रहेको बताए । उनले १० बर्ष सम्म होटल पौवाले बालापन बिताएको बताउँदै अब बस्यक भईसकेको बताए । उनले होटल पौवाको आतिथ्यता र परिकारमा शुद्ध नेपालीपन रहेको बताए ।

कार्यक्रममा सशस्त्र प्रहरी बल नेपाल २९ नम्बर हेड क्वाटर ज्वालामाई गणका एसपी यदुकुमार कार्की, राप्ती उद्योग बाणिज्य संघ भालुवाङका महासचिव बासुदेव न्यौपाने, भालुवाङ होटेल व्यवसाय समितीका प्रेम खत्री र राप्ती प्रेस मञ्चका बरिष्ठ उपाध्यक्ष सन्तोषकुमार गुप्ता लगायत अन्य सञ्चारकर्मी तथा सामाजिक अगुवाहरूको उपस्थिति रहेको थियो ।

सो अवसरमा होटल पौवा भालुवाङमा कार्यरत सुमित्रा कुमाल उत्कृष्ट कर्मचारीका रूपमा सम्मानित समेत भएकी छिन् । उनलाई खाँदा, माला, टीका, सम्मान–पत्र र नगद सहित सम्मान गरिएको छ । स्वाद उत्सव कार्यक्रम २७ र २८ गते सम्म चल्ने छ । स्वाद उत्सव कार्यक्रम दुई दिन सम्म बिहान ११ बजेदेखि ५ बजे सम्म चल्ने बताईएको छ । कार्यक्रमको सञ्चालन होटेल पौकाका सिओओ कृष्ण गौतमले गरेका थिए ।