आत्मनिर्भर लघुवित्त संस्थामा आवद्व देउखुरीका महिलाहरू व्यवसायिक रुपमा आत्मनिर्भर बन्दै

भालुवाङ ८ चैत । पछिल्लो समय दाङमा पनि लघुवित्तमा आवद्व महिलाहरू आर्थिक रूपमा सबल बन्न थालेका छन् । लघुवित्तबाट ऋण लगेर उनीहरू विभिन्न व्यवसाय गरि आत्मनिर्भर बनेका हुन् । दाङको राप्ती गाउँपालिका वडा नम्बर १, भालुवाङमा रहेको आत्मनिर्भर लघुवित्त वित्तीय संस्थामा महिलाहरू समुहमा आवद्व भएर आय–आर्जन गरेर आफ्नो घर व्यवहार सजिलै तरिकाले चलाउन थालेको प्रतिक्रिया व्यक्त गरेका छन् ।

लघुवित्तले महिलाहरूलाई घरवार बिहिन बनाइरहेको भन्ने हल्लालाई चिर्दै आत्मनिर्भर लघुवित्तमा आवद्व महिला दिदीबहिनीहरू भने आर्थिक हिसावले सबल बन्न थालेको बताएका छन् । सरस्वती महिला उत्थान केन्द्र राप्ती गाउँपालिका–३, खुरुरियाकी गिरिजा चौधरी र सगरमाथा महिला उत्थान केन्द्र राप्ती गाउँपालिका–३, मसुरियाकी देउकुमारी चौधरी चौधरीले लघुवित्तबाट ऋण लिएर व्यवसाय सुरू गरेका छन् । उनीहरू त्यही व्यवसायबाट आफ्नो घर व्यवहार सजिलै तरिकाले चलाउन पाएकोमा निकै खुसी भएका छन् ।

दाङको सदरमुकाम घोराहीमा केन्द्रीय कार्यालय रहेको आत्मनिर्भर लघुवित्त वित्तीय संस्था लिमिटेडले लुम्बिनी प्रदेशको बाँके, बर्दिया, दाङ र प्यूठान गरी चार जिल्लामा कुल २१ वटा शाखा सञ्चालन गरेर सेवा प्रवाह गर्दै आईरहेको छ । उक्त संस्थामा हाल सम्म करिब ६० हजार महिला दिदीबहिनीहरू मार्फत बचत तथा ऋण कारोबार भइरहेको र संस्थामा करिव २० हजार महिलाहरू कृषि र पशुपालन व्यवसायमा लागेको संस्थाका प्रमुख कार्यकारी अधिकृत सौगातबिर चौधरीले बताए ।

महिलाहरूलाई बचत गर्ने बानीको विकास र व्यवसायिक ऋण लगानी गरी महिलाहरूलाई वास्तविक रूपमा व्यवसायिक आत्मनिर्भर बनाउने काम भइरहेकोले संस्थाको उद्देश्य अनुरूप तीब्र गतिमा काम भईरहेको अधिकृत चौधरीले बताए । बैंक तथा अन्य बित्तिय संस्था र सहकारी संस्थाहरू भन्दा सहज, सरल र छिटो छरितो व्यवसायिक ऋण प्रबाहका कारण पछिल्लो समय आत्मनिर्भर लघुबित्त संस्थाप्रति महिलाहरू आकर्षित समेत भएका छन् ।

यसैबीच दाङ–देउखुरीको राप्ती गाउँपालिका–१, भालुवाङमा रहेको आत्मनिर्भर लघुवित्त वित्तीय संस्था लिमिटेड भालुवाङ शाखा अन्तर्गतको केन्द्र प्रमुखहरू बार्षिक समिक्षा गोष्ठी तथा वित्तीय साक्षरता अभिमूखिकरण कार्यक्रम शुक्रबार दाङ–देउखुरीको भालुवाङमा सम्पन्न भएको छ । संस्थाका भालुवाङ शाखा प्रमुख दुर्गा चौधरीको अध्यक्षता एवम् संस्थाकै प्रमुख कार्यकारी अधिकृत सौगातबिर चौधरीको प्रमुख आतिथ्यतामा कार्यक्रम सम्पन्न भएको हो ।

कार्यक्रममा ४ वटा केन्द्र पुरूस्कृत, १० वटा अनुशासित केन्द्र, ३ जना सफल उद्यमी र १ एक जना उत्कृष्ट बचतकर्ताहरु सम्मानित हुनु भएको छ । यसरी पुरस्कृत हुने केन्द्रहरूमा केन्द्र नम्बर ३९ सिर्जना महिला उत्थान केन्द्र, राप्ती गाउँपालिका–३, मसुरिया प्रथम, केन्द्र नम्बर १६ लालीगराँस महिला उत्थान केन्द्र, राप्ती गाउँपालिका–३, खुरुरिया दोस्रो, केन्द्र नम्बर ३८ नयाँ पाइला महिला उत्थान केन्द्र, राप्ती गाउँपालिका–४, भानपुर तृतीय र केन्द्र नम्बर २३ संगिनी महिला उत्थान केन्द्र, राप्ती गाउँपालिका–४, पैसठ्ठी नम्बर मौरीघाट, सान्त्वना भएका छन् । पुरस्कृत हुने केन्द्रहरूलाई क्रमश : १ हजार ५ सय, १ हजार २ सय, एक हजार र ८ सय नगद र प्रमाण–पत्र सहित पुरस्कृत गरिएको थियो ।

त्यस्तै कार्यक्रममा तीन जना सफल उद्यमी र एक जना उत्कृष्ट बचतकर्ता समेत सम्मानित भएका छन् । यसरी सम्मानित हुनेहरूमा सफल उद्यमी तर्फ केन्द्र नम्बर १२६ गौरब महिला उत्थान केन्द्र, सितगंगा नगरपालिका–८, लामातालकी गिता राउत, केन्द्र नम्बर २७ सरस्वती महिला उत्थान केन्द्र, राप्ती गाउँपालिका–३, खुरुरियाकी गिरिजा चौधरी र केन्द्र नम्बर १९ सगरमाथा महिला उत्थान केन्द्र, राप्ती गाउँपालिका–३, मसुरियाकी देउकुमारी चौधरी सम्मानित भएका छन् । यस्तै उत्कृष्ट बचतकर्ताका रुपमा केन्द्र नम्बर ५१ सगरमाथा महिला उत्थान केन्द्र, राप्ती गाउँपालिका–६, भगवानपुरकी प्रतिमा चौधरी समेत सम्मानित हुनु भएको छ । उहाँहरूलाई पनि नगद र प्रमाण–पत्र सहित सम्मान गरिएको संस्थाका भालुवाङ शाखा प्रमुख दुर्गा चौधरीले जानकारी दिए ।

यस्तै कार्यक्रममा १० वटा अनुशासित केन्द्रहरूलाई समेत सम्मान गरिएको छ । यसरी सम्मानित हुने केन्द्रहरूमा केन्द्र नम्बर १२ उत्साह महिला उत्थान केन्द्र, राप्ती गाउँपालिका–८, पिपरी, केन्द्र नम्बर १९ सगरमाथा महिला उत्थान केन्द्र, राप्ती गाउँपालिका–३, मसुरिया, केन्द्र नम्बर ३७ भद्राक्ष्य महिला उत्थान केन्द्र, राप्ती गाउँपालिका–४, मझनीगढ, केन्द्र नम्बर २६ फेवाताल महिला उत्थान केन्द्र, गढवा गाउँपालिका–१, जुरौनी, केन्द्र नम्बर १०२ चौतारी महिला उत्थान केन्द्र, सितगंगा नगरपालिका–८, तीनखण्डे, अर्घाखाँची, केन्द्र नम्बर १३३ विकास महिला उत्थान केन्द्र, सरुमारानी गाउँपालिका–१, गनाहा, प्यूठान, केन्द्र नम्बर २८ सितल चौतारी महिला उत्थान केन्द्र, गढवा गाउँपालिका–१, मलमला, केन्द्र नम्बर २७ सरस्वती महिला उत्थान केन्द्र, राप्ती गाउँपालिका–३, खुरुरिया र केन्द्र नम्बर १८ धौलागिरी महिला उत्थान केन्द्र, राप्ती गाउँपालिका–३, मसुरियालाई पनि सम्मान गरिएको भालुवाङ शाखा प्रमुख चौधरीले जानकारी दिए ।

सो अवसरमा बोल्दै कार्यक्रमका प्रमुख अतिथी संस्थाका प्रमुख कार्यकारी अधिकृत सौगातबिर चौधरीले लघुबित्त संस्था महिला दिदीबहिनीहरूका लागि माइती भएको बताए । उनले जति बेला दुख पर्दा महिला दिदीबहिनीहरूले माइती सम्झिन्छन् । त्यसैगरी अहिलेको अवस्थामा दुखपर्दा लघुबित्तले नै माइतीको सहारा दिएको बताए । साथै अधिकृत चौधरीले लघुवित्त मार्फत महिला दिदीबहिनीहरुलाई व्यवसायिक रुपमा आत्मानिर्भर बनाउने अभियानमा लागेको बताए । उनले महिलाहरुलाई पुरुषसरह आर्थिक रुपमा अब्बल बनाउने प्रमुख उदेश्य रहेको प्रष्ट पारे ।

कार्यक्रममा संस्थाका कार्यक्रम संयोजक हितबहादुर थापा, अभिभावक हेमलाल चौधरी, पत्रकार सन्तोषकुमार गुप्ता, उत्कृष्ट केन्द्र प्रमुखहरु सिर्जना महिला उत्थान केन्द्र मसुरियाकी प्रमुख सिता चौधरी, लालीगराँस महिला उत्थान केन्द्र खुरुरियाकी पूर्णिमा चौधरी, नयाँ पाइला महिला उत्थान केन्द्र भानपुरकी प्रेमकुमारी चौधरी र संगिनी महिला उत्थान केन्द्र पैसठ्ठी नम्बर मौरीघाटकी निरमाया चौधरी लगायतका वक्ताले आफ्नो अनुभव सहितको मन्तव्य व्यक्त गरेका थिए ।

यस्तै कार्यक्रममा सफल उद्यमीहरू गौरब महिला उत्थान केन्द्र लामातालकी गिता राउत, सरस्वती महिला उत्थान केन्द्र खुरुरियाकी गिरिजा चौधरी, सगरमाथा महिला उत्थान केन्द्र मसुरियाकी देउकुमारी चौधरी र उत्कृष्ट बचतकर्ता सगरमाथा महिला उत्थान केन्द्र भगवानपुरकी प्रतिमा चौधरी लगायतका बक्ताले आफ्नो अनुभव सहितको मन्तव्य व्यक्त गरेका थिए । कार्यक्रमको सञ्ञालन संस्थाका मानव संसाधन प्रमुख नेबबहादुर चौधरीले गरेका थिए ।