गढवामा माछा मार्ने क्रममा एक जनाको मृत्यु
गढवा १४ पुस । गढवामा कलभर्ट भित्र छिरेर माछा मार्ने क्रममा एक जनाको मृत्यु भएको छ।
दाङ गढवा गाउँपालिका वडा नम्बर ६ सर्वोदय चोकका ६६ वर्षीय ढोर्री कुमालको मृत्यु भएको इलाका प्रहरी कार्यालय गढवाका प्रहरी निरीक्षक कालिका कार्कीले जानकारी दिएकी छिन्। आइतबार अपराह्न ४:३० बजेतिर गढवा कालाकाटे सडकखण्डको प्रनाहा नजिक कलभर्ट भित्र छिरेर माछा मार्ने क्रममा अक्सिजनको कमी वा चक्कर लागेर पानीमा ढुब्दा ज्यान गएको हुन सक्ने प्रारम्भिक अनुमान गरिएको छ।
घरबाट ११ बजेतिर माछा मार्न भनेर आएको र कलभर्ट आसपास र कलभर्ट भित्र छिरेर पानी फाल्दै माछा मारेको र त्यै पानीमा अनुहार नाक मुख डुबेको अवस्थामा स्थानीयहरुले देखेपछी प्रहरी लाई जानकारी गराएका थिए। मृतक कुमालको शवलाई अहिले पोष्टमर्टमका लागि लमही अस्पतालमा लगिएको छ।
प्रतिक्रिया दिनुहोस्
