देउखुरीको गोपीनाला पुल नजिक मोटरसाइकलको ठक्करबाट पदलयात्री घाइते
भालुवाङ २२ मंसिर । दाङको देउखुरीमा मोटरसाइकलको ठक्कर दिँदा एक पैदलयात्री घाइते भएका छन्। शनिबार राति ७ बजेको समयमा राप्ती गाउँपालिका वडा नम्बर ८ बिजाैरी गोपीनाला नजिकै पैदल हिडिरहेका पैदलयात्रीलाई मोटरसाइकलले ठक्कर दिएको थियो ।
भालुवाङ देखि लमही तर्फ जाँदै गरेको रा ३ प ४६५२ नम्बरको मोटरसाइकलले ठक्कर दिदा प्युठान सरूमारानी १ घर बताउने चित्रबहादुर गुरूङ घाइते भएको जिल्ला प्रहरी कार्यालय दाङले जानकारी दिएको छ । मापसे गरी सडकमा हिडिरहेका गुरूङलाई मोटरसाइकलले ठक्कर दिएको प्रहरीले बताएको छ । मोटरसाइकलको ठक्करबाट घाइते भएका गुरूङको दायाँ खुट्टा भाँचिएको प्रहरीले बताएको छ ।
घाइते गुरूङको सिसहनियाँ स्वास्थ्य चाैकीमा सामान्य उपचार पछि थप उपचारका लागि बुटवल पठाएको प्रहरीले बताएको छ । ठक्कर दिने मोटरसाइकल र चालकलाई प्रहरीले आफ्नो नियन्त्रणमा लिएको छ । मापसे गरेका गुरूङको ठेगाना भने अझै क्लिएर नभएको प्रहरीले बताएको छ ।
