दाङकाे राप्ती स्वास्थ्य विज्ञान प्रतिष्ठानमा मानसिक उपचारका लाागि ‘एमइसिटी’ सेवा थप
दाङ २६ पुस । राप्ती स्वास्थ्य विज्ञान प्रतिष्ठानमा मानसिक उपचारमा ‘एमइसिटी’ सेवा थप भएको छ । प्रतीष्ठानमा थपिएको यो सेवा पश्चिम नेपालमा पहिलो भएको कार्यालयका सुचना अधिकारी निशान दाजु भट्टराईले जानकारी दिए ।
भट्टराईका अनुसार पहिले सिधै मानसीक रोगका बिरामिलाई करेन्ट लगाएर उपचार गरिदै आएको बिधिमा मोडिफाई गरेर मानसिक रोग विशेषज्ञ, एनेस्थेसीयोलोजीष्टको विशेष निगरानीमा बिरामीलाई दुखाई नै नहुने गरेर उपचार गरिने छ ।
गम्भीर प्रकारका मानसिक विरामीलाई करेन्ट लगाएर गरिने उपचार पद्धतिलाई मोडिफाइ गरी बेहोश गराएर गर्ने भौतिक उपचारको पद्धति ‘एमइसिटी’ भएको र यसमा विरामीलाई दुख नहुने मनोचिकित्सा विभागका डा. सञ्जीव पण्डितले जानकारी दिए।
मानसिक रोगीलाई उपचार गर्ने पद्धति औषधि र भौतिक उपचार पद्धति भएको बताउँदै उहाँले बिरामीलाई पीडा नदिएर उपचार गरिने उनले बताए ।
यस पद्धतिबाट काठमाडौंलगायत अन्य ठाउँमा उपचार गर्दा तीन हजार रुपैयाँदेखि माथि पर्नेमा प्रतिष्ठानमा एक हजार पाँच सयमा उपचार हुने प्रतिष्ठानले जनाएको छ ।
साविक राप्तीका कुनै पनि जिल्लाका बिरामीलाई उपचार गर्न बाहिर जानुनपर्ने डा. पण्डित बताउछन । गम्भीर प्रकारका मानसिक रोगीलाई उपचार गर्न प्रतिष्ठानमा १० बेडको वार्ड सञ्चालनमा ल्याएको छ ।
‘एमइसिटी’ उपचारमा मनोचिकित्सा विभागका डा. सञ्जीव पण्डितसहित एनेस्थेसीयाका लागि डा. राजन शाक्य, प्रान श्रेष्ठ, कुन्दन घिमिरे, मेडिकल अफसर कपिल बेलबासे, बायोमेडिकल इन्जिनीयर शरद भण्डारि र नर्सको टिम छ ।
राप्ती स्वास्थ्य विज्ञान प्रतिष्ठानमा मनोचिकित्सा सेवा २०७७ माघबाट शुरु भएको थियो । असोज ३० गतेदेखि प्रतिष्ठानमा १० बेडसहितको मनोचिकित्सा विभाग बनाएर उपचार थालिएको छ ।
