शिक्षा सँगसँगै सिर्जनशीलतालाई पनि अगाडि बढाउनु पर्छ : अध्यक्ष विष्ट
सिसहनियाँ १ पुस । राप्ती गाउँपालिकाका अध्यक्ष प्रकाश विष्टले शिक्षा सँगै सिर्जनशिलतालाई पनि सँगसँगै लग्नुपर्ने बताएका छन् ।
शुक्रबार राप्ती गाउँपालिका ६ पत्थरगढवा स्थित ज्ञानोदय माध्यमिक विद्यालय राप्ती गाउँपालिका- ६ पत्थरगढवाको ४१ औँ वार्षिकोत्सब कार्यक्रममा बोल्दै सो कुरा बताएका हुन् । प्रमुख अतिथि समेत रहेका अध्यक्ष विष्टले पढेर मात्र नभई सिर्जनशील कुरालाई जोड दिन सके विद्यार्थीहरू आत्मनिर्भर हुने बताएका थिए । विद्यार्थीहरूलाई कस्तो बनाउने भन्ने कुरा पनि अभिभावक र शिक्षकको भुमिका महत्त्वपूर्ण रहने बताएका थिए ।
त्यस्तै अध्यक्ष विष्टले यश विद्यालयलाई नमुना विद्यालय बनाउन सवै जनाको भुमिका महत्त्वपूर्ण रहने समेत बताएका थिए । विद्यालय व्यवस्थापन समितिका अध्यक्ष भिमबहादुर चाैधरीको अध्यक्षता एवम् राप्ती गाउँपालिकाका अध्यक्ष प्रकाश विष्टको प्रमुख आतिथ्यतामा भएको कार्यक्रममा विद्यालयको वार्षिक प्रगति प्रतिवेदन प्रधानाध्यापक इन्द्रदेव चाैधरीले प्रस्तुत गरेका थिए ।
शिक्षिका शोभा कुमारी चाैधरीको स्वागत मन्तव्यबाट सुरू भएको कार्यक्रममा राप्ती गाउँपालिकाकी उपाध्यक्ष कमलापती चाैधरी, राप्ती गाउँपालिका शिक्षा, युवा तथा खेलकुद शाखा प्रमुख विश्वास विक, ६ नम्बर वडा अध्यक्ष दिपककुमार चाैधरी, सम्मानित व्यक्ति कालिप्रसाद चाैधरी, सिपी नेपालका दिपा चाैधरी, अभिभावक निमा शेर्पा, विद्यार्थी सुनिता शेर्पा लगायतका वक्ताहरूले शुभकामना मन्तव्य व्यक्त गरेका थिए ।
कार्यक्रममा विद्यालयको विभिन्न क्षेत्रमा योगदान पुर्याउने १४ जना व्यक्तिहरूलाई सम्मान गर्नुका साथै पुरस्कार वितरण समेत गरिएको थियोे । भने विभिन्न साँस्कृतिक प्रस्तुति समेत राखिएको थियो । यसै बीच कार्यक्रममा राप्ती गाउँपालिका ६ नम्बर वडा कार्यालयले ६० हजार बराबरको ६ देखि १० सम्मका ५ जना उत्कृष्ट विद्यार्थीहरूलाई १/१ वटा साइकल र ७ जना शिक्षकहरूलाई सम्मान पत्र सहित शैक्षिक सामाग्री प्रदान गरेको छ । कार्यक्रमको सञ्चालन शिक्षक हर्कबहादुर चाैधरीले गरेका थिए ।
