दाङको घोराहीमा सवारी दुर्घटना हुँदा २ जनाको मृत्यु, २ जना घाइते
घोराही १६ असार । दाङको घोराहीमा सवारी दुर्घटना हुँदा २ जनाको मृत्यु भएको छ भने अन्य २ जना घाईते भएका छन् ।
बिहीबार बेलुकी पौने ९ बजे तिर सौडियारबाट घोराही तर्फ आउँदै गरेको मोटरसाईकलले घोराही ७ बेसाही नजिक २ वटा साईकललाई ठक्कर दिँदा २ जनाको मृत्यु भएको छ भने अन्य दुुई जना घाईते भएका जिल्ला प्रहरी कार्यालय दाङका प्रवक्ता डिएसपी मुुकुन्द प्रसाद रिजालले जानकारी दिएका छन् ।
मृत्यु हुनेमा मोटरसाइकल चालक घोराही उपमहानगरपालिका वडा नम्बर १५ का ३५ वर्षिय गंगा बहादुर कवर र साईकलयात्री सोही वडाका १६ वर्षिय रितेश केसी रहेका उनले बताए । उनीहरु दुबैको उपचारको क्रममा मृत्युु भएको हो ।
त्यस्तै, घाईते हुनेमा मोटरसाईकलमा सवार घोराही उपमहानगरपालिका वडा नम्बर ७ बस्ने ३८ वर्षिय बसन्त चौधरी र अर्का साईकलयात्री सोही ठाउँका १५ वर्षिय बिनोद भण्डारी रहेको छन् ।
बसन्तको मुख, नाक र टाउँकोमा चोट लागेको छ भने अवस्था गम्भिर रहेको डिएसपी रिजालले बताए ।
अर्का घाईते बिनोदको हात र खुट्टा चोक लागेको छ भने अवस्था मध्यम रहेको छ । घटनाबारे थप अनुसन्धान भैरहेको प्रहरीले बताएको छ ।
