देशभर मंगलबार थप १,१५८ जनामा काेराेना सङ्क्रमण पुष्टि, १,३१८ जना संक्रमणमुक्त, १२ जनाकाे मृत्यु
काठमाडौं १२ असोज । देशभर मंगलबार थप १ हजार १ सय ५८ जनामा कोरोना भाइरस संक्रमण पुष्टि भएको छ । ११ हजार ६ सय ७२ पीसीआर परीक्षण गर्दा ९सय ४ जना र २ हजार ३ सय ३१ एन्टिजेन परीक्षण गर्दा २ सय ५४ गरी १ हजार १ सय ५८ जनामा कोरोना भाइरसको संक्रमण देखिएको स्वास्थ्य तथा जनसंख्या मन्त्रालयले जनाएको छ ।
यस्तै मंगलबार नै कोरोना संक्रमणबाट १२ जनाको मृत्यु भएको छ भने १ हजार ३१८ जना निको भएका छन् । मंगलबार थपिएसँगै नेपालमा कोरोना संक्रमितको कुल संख्या ७ लाख ९३ हजार २ सय ७१ पुगेको छ । योसँगै नेपाल मृत्यु हुनेको संख्या ११ हजार १ सय १५ पुगेको छ भने ७ लाख ६३ हजार ७ सय ३४ जना संक्रमणमुक्त भएका छन् ।
मन्त्रालयका अनुसार हाल देशभर सक्रिय संक्रमितको संख्या १८ हजार ४ सय २२ जना रहेका छन् । जसमध्ये १७ हजार १ सय २५ जना होम आइसोलेसनमा रहेका छन् भने १ हजार २सय ९७ जना संस्थागत आइसोलेसनमा रहेका छन् ।
कोरोनाका बिरामीमध्ये ३सय ६४ जना आईसीयू र १सय २० जना भेन्टिलेटरमा उपचाररत् छन् । यस्तै १० वर्ष मुनिका १४ बालबालिकामा कोरोना संक्रमण पुष्टि भएको छ भने ११ देखि २० वर्ष उमेर समूहका ७८ जना कोरोना संक्रमित थपिएका छन् ।
कुन जिल्लामा कति संक्रमित थपिए ?
स्वास्थ्य तथा जनसंख्या मन्त्रालयका अनुसार सबैभन्दा धेरै काठमाडौंमा २ सय ७०, झापामा ७३, ललितपुरमा ६९, कास्कीमा ५४ जनामा कोरोना संक्रमण पुष्टि भएको छ । यस्तै भक्तपुर र रुपन्देहीमा ४४/४४ जना, सुनसरीमा ४३, मोरङमा ४२, चितवनमा ४०, सुर्खेतमा १५, धनुषा र काभ्रेपलाञ्चोकमा १२/१२ जना, पाल्लामा ११ र तनहुँमा १० जनामा कोरोना संक्रमण पुष्टि भएको मन्त्रालयले जनाएको छ ।
