देशभर साेमबार थप १,८९७ जनामा कोरोना सङ्क्रमण पुष्टि, १,७४३ जना सङ्क्रमणमुक्त, २० जनाकाे मृत्यु
काठमाण्डाै २१ भदाै । देशभर साेमबार थप १ हजार ८ सय ९७ जनामा कोरोना सङ्क्रमण पुष्टि भएको छ । पीसीआर र एन्टिजेन गरी १५ हजार नौ सय ७९ जनाको नमुना परीक्षण गर्दा १ हजार ८ सय ९७ जनामा सङ्क्रमण देखिएको स्वास्थ्य तथा जनसङ्ख्या मन्त्रालयले जनाएको छ ।
साेमबार नै परीक्षण गरिएकामध्ये ११ दशमलव ८७ प्रतिशत नमुनामा मात्रै सङ्क्रमण पुष्टि भएको छ । अहिलेसम्म नेपालमा ८ लाख ५६ हजार २ सय १८ जनामा सङ्क्रमण पुष्टि भएको छ ।
यस्तै थप १ हजार ७ सय ४३ जना निको भएसँगै कोरोना सङ्क्रमणमुक्त हुनेको सङ्ख्या ७ लाख २८ हजार ९ सय २८ पुगेको छ । यही अवधिमा थप २० जना सङ्क्रमितकाे ज्यान गएसँगै नेपालमा काेराेना सङ्क्रमणबाट ज्यान गुमाउनेको सङ्ख्या १० हजार ८ सय ५८ पुगेको छ ।
अहिले ३० हजार ९ सय ७३ जना सक्रिय सङ्क्रमित रहेकामा ५ सय १२ जनाको आईसीयू र १ सय ६३ जनाको भेन्टिलेटरमा उपचार भइरहेको छ ।
