देशभर शुक्रबार थप ३,०४२ जनामा कोरोना सङ्क्रमण पुष्टि, २,२४४ जना संक्रमण मुक्त, २६ जनाकाे मृत्यु
काठमाण्डाै ४ भदाै । देशभर शुक्रबार थप ३ हजार ४२ जनामा कोरोना सङ्क्रमण पुष्टि भएको छ । १० हजार ५ सय ३० जनाको पीसीआर र ७ हजार १ सय २४ जनाको एन्टिजेन गरी १७ हजार ६ सय ५४ जनाको नमुना परीक्षण गर्दा ३ हजार ४२ जनामा सङ्क्रमण पुष्टि भएको हाे ।
शुक्रबार नमुना परीक्षण गरिएकामध्ये १७ दशमलव २३ प्रतिशतमा सङ्क्रमण देखिएकाे स्वास्थ्य तथा जनसङ्ख्या मन्त्रालयले जनाएको छ । याे थपिएका सहित नेपालमा कोरोना सङ्क्रमण पुष्टि हुनेको सङ्ख्या ८ लाख २३ हजार ६ सय ४७ पुगेको छ ।
यस्तै शुक्रबार नै थप २ हजार २ सय ४४ जना निको भएसँगै कोरोना सङ्क्रमणमुक्त हुनेको सङ्ख्या ६ लाख ९३ हजार ५ सय ४३ पुगेको छ । यही अवधिमा थप २६ जनाले कोरोना सङ्क्रमणका कारण ज्यान गुमाएका छन् ।
यो सहित कोरोना सङ्क्रमणका कारण ज्यान गुमाउनेको सङ्ख्या १० हजार ४ सय ५५ पुगेको छ । अहिले नेपालमा ४० हजार ३ सय ९ जना कोरोनाका सक्रिय सङ्क्रमित रहेका छन् ।
