देशभर शनिबार थप २,६२४ जनामा कोरोना सङ्क्रमण पुष्टि, १,३२० जना संक्रमण मुक्त, २० जनाकाे मृत्यु
काठमाडाैँ ३० साउन । देशभर शनिबार २ हजार ६ सय २४ जनामा कोरोना सङ्क्रमण पुष्टि भएको छ । ८ हजार ६ सय ६७ जनाको पीसीआर र ४ हजार ९ सय ६ जनाको एन्टिजेन गरी १३ हजार ५ सय ७३ जनाको परीक्षण गर्दा २ हजार ६ सय २४ जनामा कोरोना सङ्क्रमण पुष्टि भएको स्वास्थ्य तथा जनसङ्ख्या मन्त्रालयले जनाएको छ । यो कुल परीक्षणको १९ दशमलव ३३ प्रतिशत हो ।
शनिबार थपिएका सहित नेपालमा कोरोना सङ्क्रमण पुष्टि हुनेको सङ्ख्या ८ लाख ५ हजार १ सय ९० जना पुगेको छ । यस्तै शनिबार १ हजार ३ सय २० जना निको भएसँगै कोरोना सङ्क्रमणमुक्त हुनेको सङ्ख्या ६ लाख ८० हजार ८ सय १५ जना पुगेको छ ।
थप २० जनाले कोरोना सङ्क्रमणका कारण ज्यान गुमाएका छन् । योसहित कोरोना भाइरसको सङ्क्रमणले ज्यान गुमाउनेको सङ्ख्या १० हजार २ सय ५९ जना पुगेको छ । अहिले नेपालमा ३९ हजार ४ सय ५ जना सक्रिय सङ्क्रमित रहेका छन् । सक्रिय सङ्क्रमितमध्ये ७ सय ६० जनाको आईसीयू र १ सय ८६ जनाको भेन्टिलेटरमा उपचार भइरहेको छ ।
