देउखुरीकाे हाडबासमा आगलागी हुँदा दुई दर्जन घर जलेर नष्ट, आगाे नियन्त्रणमा लिने प्रयास जारी
देउखुरी १६ बैशाख । दाङ-देउखुरीको राजपुर गाउँपालिका-७, हाडबास गाउँमा आगलागी हुँदा दुई दर्जन बढी घर जलेर नष्ट भएका छन् । गाउँमा रहेका २५ घरमध्ये अहिले सम्म २४ घर आगलागीबाट जलेर नष्ट भएको ईलाका प्रहरी कार्यालय गढवाले जानकारी दिएकाे छ ।
गाउँसम्म पुग्ने बाटो नहुँदा आगो निभाउन दमकल पुग्न सकेको छैन । जसका कारण आगलागी नियन्त्रणमा लिन सकिएको छैन । आगाे नियन्त्रणमा लिने प्रयास जारी राखिएकाे छ ।
आगलागीस्थलमा नेपाल प्रहरी, सशस्त्र प्रहरी र स्थानीयबासीहरू परिचालन भएपनि प्रयाप्त पानीकाे स्राेत नहुँदा र भाैगाेलिक कठिनाईका कारण आगाे नियन्त्रणमा ल्याउन कठिनाई भइरहेकाे प्रहरीले जनाएकाे छ ।
प्रतिक्रिया दिनुहोस्
