कैलालीमा बस र ट्रयाक्टर एकआपसमा ठोक्किदा ४ जना घाइते

धनगढी २३ माघ। कैलालीमा बस र ट्रयाक्टर एकआपसमा ठोक्किदा ४ जना घाइते भएका छन् । शुक्रबार विहान पूर्वपश्चिम राजमार्ग अन्तरगत घोडाघोडी नगरपालिका– वडा नम्बर १ मा से १ त ४८३८ नम्बरको ट्रयाक्टर र ना४ ख ९९७३ नम्बरको बस एक आपसमा ठोक्किदा बस सडक मै पल्टिएको छ ।

ट्रयाक्टरमा पनि क्षेति भएको छ । इलाका प्रहरी कार्यालय सुख्खडका प्रमुख प्रहरी नायब उपरीक्षक सागर बोहराले घाइतेहरुको अवस्था भने सामान्य रहेको बताए ।ट्रयाक्टर चालक फरार भएका छन् भने बस चालक घटना स्थलमै रहेको उनले जानकारी दिए।