लुम्बिनी प्रदेशसभाको सातौं अधिवेशन अन्तर्गत तेह्रौं बैठक बस्दै (यस्ताे छ, कार्यसुची)

देउखुरी ७ बैशाख । लुम्बिनी प्रदेश सभाको सातौं अधिवेशन अन्तर्गत तेह्रौं बैठक आज सोमबार दिउँसो १ बजे बस्ने भएको छ । प्रदेश सभा सचिवालयले सार्वजनिक गरेको सम्भावित कार्यसूची अनुसार बैठकमा सर्वप्रथम प्रदेश सभा सदस्यहरुले समसामयिक विषयमा विशेष समयमा आफ्ना धारणा राख्ने कार्यक्रम रहेको छ ।

त्यसैगरी, सामाजिक विकास समितिका सभापति यमबहादुर नेपाली सार्कीले दलितको अधिकार सम्बन्धमा व्यवस्था गर्न बनेको विधेयक माथि समितिको प्रतिवेदन सभामा पेश गर्ने कार्यसूची रहेको छ । यस्तै, कृषि, वन तथा वातावरण समितिका सभापति विश्वप्रेम पाठकले समितिको वार्षिक प्रतिवेदन सभामा पेश गर्ने कार्यक्रम तय गरिएको छ ।