सहकारी दिवस : विहानी सहकारीका अध्यक्ष चाैधरी सहित २१ जनाले गरे रक्तदान
भालुवाङ २० चैत । ६८ औं राष्ट्रिय सहकारी दिवसका अवसरमा दाङको राप्ती गाउँपालिका-५ सिसहनियाँमा रहेको विहान बचत तथा ऋण सहकारी संस्थाले बुधबार आफ्नै कार्यालयमा रक्तदान कार्यक्रम गरेको छ ।
नेपाल रेडक्रस सोसाइटी रक्त सञ्चार सेवा केन्द्र लमहीको प्राविधिक सहयोगमा सहकारी दिवसको अवसर पारेर खुल्ला रक्तदान कार्यक्रम गरिएको हो । ‘मर्यादित सहकारी : समुन्नत समाज’ भन्ने मूल नाराका साथ गरिएको रक्तदान कार्यक्रममा संस्थाका अध्यक्ष बामदेव चाैधरी सहित २१ जना सहकारीकर्मीले रक्तदान गरेका छन् । अध्यक्ष चाैधरीले यो सहित चाैथो पटक रक्दान गरेका छन् । रक्तदानले कसैले नयाँ जीवन पाउँछ भने त्यो भन्दा पवित्र कार्य के हुन सक्छ र त्यसैले आफुले समय-समयमा रक्तदान गर्दै आएको बताए । साथै उनले रक्तदानले शरीरलाई कुनै असर नपर्ने र यसलाई शरिरलाई नै फाइदा पुग्ने बताए ।
रक्तदान कार्यक्रममा सहकारीकर्मीहरू सुरेन्द्र थापा मगर, मिठ्ठुराम चाैधरी, सोनाम चाैधरी, बालकुमारी चाैधरी, रिता चाैधरी, मेनका अधिकारी, रामप्रताप चाैधरी, सोमबहादुर चाैधरी, हरि कुमार चाैधरी,दिनेश चाैधरी, सन्दिप चाैधरी, निसा चाैधरी, सृजना कुमारी चाैधरी, स्वस्तिका चाैधरी, प्रमिता अधिकारी, भुवन रावत, सुवेश कुमार चाैधरी, भरत केसी, दामोदर घर्ती मगर, रेनुका चाैधरीले रगत दान गरेका हुन्। संस्थाका अध्यक्ष बामदेव चाैधरीको अध्यक्षता एवं राप्ती गाउँपालिका वडा नम्बर ५ का वडा अध्यक्ष देवप्रसाद चाैधरीको प्रमुख आतिथ्यतामा कार्यक्रम भएको थियो । रक्तदान कार्यक्रममा रक्त सञ्चार सेवा केन्द्रकी प्रमुख मनिषा चन्द ठकुरी र प्राविधिक सहायक सिमा वलीले सेवा दिएका थिए । कार्यक्रमको सञ्चालन संस्थाकी व्यवस्थापक बालिका शर्माले गरेकी थिइन् ।
