कक्षा १२ को परिक्षा दिन छुटेका विद्यार्थीको लागि परीक्षा तालिका सार्वजनिक

दाङ ११ पुस । कोरोना भाइरस कोभिड १९ सङ्क्रमित भएर कक्षा १२ को परीक्षाबाट बञ्चित भएका विद्यार्थीहरूका लागि परीक्षा तालिका सार्वजनिक भएको छ । छुटेका विद्यार्थीका लागि राष्ट्रिय परीक्षा बोर्डले यहि पुष १६ देखि २३ पुससम्म परीक्षा सञ्चालन गर्न लागेको हो ।

परीक्षा विहान १० बजेदेखि साढे ११ बजेसम्म सम्बन्धित विद्यालयमै सञ्चालन हुने बोर्डका अध्यक्ष प्रा.डा.चन्द्रमणि पौडेलले जानकारी दिए ।
यसपटकको परीक्षामा सहभागी नहुनेहरूका लागि फेरी अर्को परीक्षाको व्यवस्था नगरिने राष्ट्रिय परीक्षाबोर्डले जनाएको छ ।कोरोना माहामारीका कारण स्थगित परिक्षा गएको मंसीरमा भएको थियो ।