सिसहनियाँ महोत्सवमा थामी नसक्नुको भिड : पल शाहको आगमनले जाली च्यातेरै दर्शक भित्रिए

सिसहनियाँ ७ माघ । नायक पल शाहको आगमनले सोमबार सिसहनियाँ महोत्सवमा थाम्नै नसकिने गरि भिड देखिएको छ ।

दाङको राप्ती गाउँपालिका-५ कालापानी सिसहनियाँमा सिसहनियाँ उद्योग वाणिज्य संघले आयोजना गरेको दोस्रो औंद्योगिक तथा कृषि व्यापार महोत्सवको बाह्राै दिन महोत्सवमा आएका शाहको प्रस्तुतीमा थाम्नै नसकिने भिड देखिएको थियो । महोत्सबमा नायक शाहलार्ई हेर्न ठुलो संख्यामा दर्शकहरू टिकट काटेर आएका थिए । सिसहनियाँ महोत्सवमा शाह पहिलो पटक आएकोले पनि महोत्सवको उमंग बैग्लै देखिएको थियो । महोत्सवमा पल शाहले नमस्ते सिसहनियाँ मात्रै के भनेका थिए महोत्सव स्थलमा खटिएका सुरक्षाकर्मीले भिड थाम्नै सकेका थिएनन् ।

महोत्सव अवलोकन गर्न आएका दर्शकहरु शाहंको आगमन हुनासाथ जालीलाई च्यातेर शाह नजिकै पुगेका थिए । नायक शाहले विभिन्न गीतमा आफ्नो टिम सँगै प्रस्तुति राखेपछि महोत्सवका दर्शकहरु रमाई रमाई नाचेका थिए । अभिनेता शाहको प्रस्तुतीले महोत्सवका दर्शकहरु अबेर राति सम्म महोत्सव स्थलमा बसेर शाहको प्रस्तुतीमा रमाई रहेका थिए । दर्शकलाई थामी नसक्नु भिडले केही समय पल शाहको प्रस्तुतीलाई आयोजकले रोक्न बाध्य भएको थियो ।

पल शाहको प्रस्तुतीलाई हेर्न दर्शकको भिडले बृद्धबृद्धा आमाबुवा तथा बालवालिकालाई सम्हाल्न हम्मे हम्मे परेको थियो । दर्शकको भिडले कयौ बालवालिका हराएको अवस्था रहेको आयोजकले जनाएको छ । महोत्सवको बाह्राै दिन पल शाह सहित चर्चित चर्चित कलाकारहरूको बेजोड प्रस्तुती रहेको थियो । सोमबार महोत्सवमा आएका चर्चित गायक तथा मोडेल विजय पुन, मोडेल नारायणी खत्री, गायिका विशाखा शाही, थारू गायक राजेन्द्र चाैधरी, गायक श्रीधर कडेल, गायिका तथा उदघोषिका, डान्सरहरू राधिका परियार, मेघा बोहरा र सगरमाथा डान्स ग्रुपको प्रस्तुतीले महोत्सवका दर्शकलाई भरपुर्ण मनोरञ्जन गराएका थिए । आयोजकका अनुसार महोत्सबमा सोमबार अहिले सम्मकै सबैभन्दा ठूलो भिड लागेको थियो । सोमबार करिव २० हजार दर्शकले महोत्सव अवलोकन गरेको आयोजकले दावी गरेको छ ।

यस्तै भोली मंगलबार चर्चित गायक चक्र बम, गायिका शान्ति रानी परियार, गायिका तथा उद्घोषिका राशी रिजाल,डान्सरहरू राधिका परियार, मेघा बोहरा र सगरमाथा डान्स ग्रुप लगायतको बेजोड प्रस्तुती रहने आयोजकले जानकारी दिएको छ ।