लमही खानेपानीको निर्वाचन तालिका सार्वजनिक : पुस २७ गते मतदान हुने
लमही २१ पुस । लमही खानेपानी उपभोक्ता तथा सरसफाई संस्थाको निर्वाचन कार्य तालिका सार्वजनिक भएको छ ।
निर्वाचन समितिले आइतबार कार्य तालिका सार्वजनिक गरेको हो । निर्वाचन कार्यतालिका अनुसार पुस २२ गते विहान ८ बजे मतदाता नामावली प्रकाशित, २२ गते विहान ९ बजे देखि १२ बजे सम्म मतदाता नामावली माथि दावी विरोध गर्ने, पुस २२ गते साझ ४ बजे अन्तिम मतदाता नामावली प्रकाशन गर्ने निर्वाचन समितिका संयोजक मनिराम केसीले जानकारी दिएका छन् ।
उनका अनुसार पुुस २३ गते विहान ९ बजे देखि दिउँसो १२ बजेसम्म उम्मेदवारहरुको मनोनय दर्ता, पुस २३ गते दिउँसो १२ बजे देखि २ बजेसम्म उम्मेदवार उपर दावी विरोध, पुस २३ गते दिउँसो २ बजेदेखि ३ बजेसम्म उम्मेदवारी फिर्ता, पुस २३ गते ३ : १५ बजे उम्मेदवारको अन्तिम नामावली प्रकाशन गर्ने, पुस २३ गते साझ ४ बजे उम्मेदवारहरुलाई निर्वाचन चिन्ह प्रदान गर्ने निर्वाचन समितिका संयोजक केसीले जानकारी दिए ।
त्यसै गरी केसीका अनुसार पुस २४ गते देखि २६ गते राती १२ बजेसम्म प्रचार प्रचार गर्ने, पुस २७ गते शनिवार विहान ८ बजे देखि साझ ४ बजे सम्म मतदान गर्ने कार्यतालिका सार्वजजिक गरिएको हो । यस्तै पुस २७ गते साझ मतदान पश्चात् मत गणना गरि मत परिणाम घोषण गर्ने कार्यक्रम रहेको निर्वाचन समितिले बताएकाे छ ।
