दाङमा नगद २ लाख बढी रकम सहित ९ जना जुवाडे पक्राउ

दाङ २० पुस ।  तुलसीपुरमा दुई लाखबढी नगदसहित नौ जना जुवाडे पक्राउ परेका छन् । प्रहरीले आज दिउँसो तुलसीपुर उपमहानगरपालिका वडा नं. ५ (ङ) लाइनमा रहेको गौरव वलीको घरमा अवैध जुवा तास खेलिरहेको अवस्थामा ९ जना जुवाडेलाई पक्राउ गरेको हो ।

प्रहरी निरीक्षक विनोद राज खत्रीका अनुसार विशेष सूचनाका आधारमा गरिएको खानतलासीका क्रममा वलीको घरभित्र जुवा खालबाट नगद २ लाख ५२ हजार ६५, १०२ पत्ता तास र नखोलेको नयाँ तास १ गड्डीसहित ९ जनालाई पक्राउ गरिएको हो ।  प्रहरीले पक्राउ परेका व्यक्तिको नाम भने सार्वजनिक गरेको छैन् । स्थानीयका अनुसार जनप्रतिनिधि पनि संलग्न रहेको आशंका गरिएको छ ।  पक्राउ परेका सबै व्यक्तिहरूमाथि अनुसन्धान भइरहेको प्रहरीले जनाएको छ ।