होटल पौवा भालुवाङमा अंग्रेजी नयाँ वर्ष २०२५ काे अवसरमा बृहत्त साँस्कृतिक कार्यक्रम हुँदै

भालुवाङ १५ पुस । दाङ-देउखुरीको भालुवाङमा रहेको होटल पौवाले अंग्रेजी नयाँ वर्ष २०२५ को अवसरमा बृहत्त साँस्कृतिक कार्यक्रम हुने भएको छ । अंग्रेजी नयाँ वर्ष २०२५ को शुभारम्भका अवसरमा होटलले यही पुस १६ मंगलबार साँझ ७ बजेदेखि राती १२ बजेसम्म बृहत सांस्कृतिक कार्यक्रम गर्ने भएकाे हाे ।

कार्यक्रममा चर्चित लाेकदाेहाेरी रामजी खाँड सहितको राष्ट्रिय कलाकारहरुकाे प्रस्तुति रहने विशेष प्रस्तुती रहने भएकाे होटल पौवा भालुवाङका म्यानेजर श्याम न्यौपानेले जानकारी दिए । साथै साँस्कृतिक कार्यक्रममा गायक खाँड सहित गायक सुविन सिंह एण्ड ब्याण्डको साँगितिक प्रस्तुति रहने हाेटेलले जनाएकाे छ । उक्त बृहत सांस्कृतिक कार्यक्रममा चन्द्रा सुनार, तबला मादल बादक प्रवेश महर्जन, गितारिस्ट अभिनाष श्रेष्ठ र किबोर्डमा अनिल विश्वकर्माको सहभागिता रहने छ । कार्यक्रममा प्रवेश निःशुल्क रहेको होटलका म्यानेजर न्यौपानेले जानकारी दिए ।

‘जहाँबाट आतिथ्यताको सुरुवात हुन्छ’ भन्ने मूल नारा सहित नेपाली आतिथ्य सहितको सेवा दिने उद्देश्यले देशभर शाखा विस्तारमा गरिरहेको पौवाले नयाँ वर्षको अवसरमा होटल पौवाका अन्य शाखामा पनि साँस्कृतिक कार्यक्रम आयोजना हुने होटल पौवा प्रालिका प्रमुख सञ्चालन अधिकृत कृष्ण गौतमले जानकारी दिए । भालुवाङसँगै पोखरा, रुपन्देही भैरहवा, दाङ घोराही र नवरपुरको गैडाकोटमा रहेका शाखामा पनि १६ गते नै सांस्कृतिक कार्यक्रम आयोजना गर्न लागिएको गौतमले बताए । निकट भविष्यमै एक सय शाखा बनाउने लक्ष्य लिएको होटल पौवाको अहिले देशभर १७ शाखा सञ्चालनमा रहेकाे छ ।

होटल पौवाले अहिले सम्म कर्णाली प्रदेशको जुम्ला, सुदूरपश्चिमको धनगढी, लुम्बिनी प्रदेशमा दाङको भालुवाङ, घोराही र लमही, कपिलवस्तुको गोरुसिंगे, रुपन्देहीको योगीकुटी, भैरहवाको चिल्ड्रेन पार्क, पाल्पाको तानसेन, गुल्मीको रेसुंगामा रहेको छ । गण्डकी प्रदेशको पोखरा र नवलपुरमा होटलले शाखा विस्तार गरिसकेको छ । बागमती प्रदेशमा काठमाडौंको गौशाला, सिन्धुलीको मुलकोट र चितवनको भरतपुरमा पौवाको शाखाहरु रहेका छन् । कोशी प्रदेशमा खोटाङको हलेसीमा यसले सेवा विस्तार गरेको छ । छिट्टै बाँकेको नेपालगन्जमा पाँच तारे स्तरको होटल पौवा सञ्चालनको तयारीमा रहेको अधिकृत गौतमले बताए ।

होटल पौवाले नेपाल मै रोजगारी सिर्जना गरी युवा जनशक्ति पलायन रोक्ने लक्ष्य लिएर अघि बढेको अधिकृत गौतमले सुनाए । होटलको अर्को उद्देश्य भनेको रैथाने खाना र नेपाली मौलिक परम्परा जोगाउनु रहेको उनले बताए । सोही अनुरुप होटलले नेपालीहरुले परम्परादेखि मनाउँदै आएको चाडपर्वमा विशेष कार्यक्रम गर्दै आएको छ ।