आशाका किरण संस्थाका अध्यक्ष बेल्वासे र प्रेस संयोजक गुप्तालाई बधाई तथा सम्मान

भालुवाङ १४ पुस । दाङको राप्ती गाउँपालिकामा रहेको आशाका किरण संस्थाले आइतबार संस्थाका अध्यक्ष अशोक बेल्वासे र प्रेस संयोजक ओमप्रकाश गुप्तालाई बधाई तथा सम्मान गरेको छ ।

बेल्वासेले राष्ट्रिय युवा अवार्ड प्राप्त गर्न सफल भएको र गुप्ता नेपाल पत्रकार महासंघ लुम्बिनी प्रदेश सदस्य (मधेसी) पदमा लोकप्रिय मत ल्याएर निर्वाचित भएकोले संस्थाले आफ्नै कार्यालयमा एक समारोहको आयोजना गरि सम्मान तथा बधाई ज्ञापन गरेको हो । संस्थाका अध्यक्ष अशोक बेल्वासेकै अध्यक्षता एवम् नेपाल पत्रकार महासंघ लुम्बिनी प्रदेशका नवनिर्वाचित सदस्य ओमप्रकाश गुप्ताको प्रमुख आतिथ्यतामा कार्यक्रम भएको हो । संस्थाका वरिष्ठ उपाध्यक्ष दिवस आचार्यको स्वागत मन्तव्यबाट सुरू भएको कार्यक्रमको सञ्चालन संस्थाका महासचिव लोकमणी भुसालले गरेका थिए ।