नयाँ हाँस्य सिरिज ‘गज्जब छ बा’ को प्रसारण सुरु

काठमाडाैँ २२ मंसिर । नयाँ हास्य सिरिज ‘गज्जब छ बा’को प्रसारण सुरु भएको छ । गत शनिबारबाट औपचारिक रुपमा पहिलो एपिसोड अपलोड गर्दै निर्माण टिमले अब प्रत्येक शनिबार साँझ ७ः१५ मा लेखान्त अफिसियल युट्युव च्यानल मार्फत प्रसारण हुने जानकारी गराएको छ । उक्त सिरिजको पहिलो एपिसोडमै दर्शकहरूले अत्याधिक रुचाइएकाे छ।

पहिलो एपिसोडमा २ लाख क्रस भ्युज प्राप्त भएको छ । प्रसारणको पहिलो एपिसोडमै सकारात्मक प्रतिक्रिया मिलिरहेको सिरिजका लेखक, निर्देशक तथा मुख्य कलाकार लेखान्त भुसालले जानकारी दिएका छन् ।

सिरिजमा रामचन्द्र अधिकारी, सबिता गुरुङ, मुकुन्द मैनाली, धर्मराज भट्टराई, लेखान्त भुसाल, सबिना आचार्य, रमेश बुढामगर, बिनम कंडेल लगायतको अभिनय रहेको छ । शिव बिकेको छायांकन रहेको सिरिज सन्दिप चौधरीले सम्पादन गरेका हुन् । सह-निर्देशन भने किशोर बाबु बस्नेतले गरेका छन् ।