श्री मावि माैरीघाटमा वक्तृत्वकला प्रतियोगिता सम्पन्न : कक्षा १२ की छात्रा पुजा कवर प्रथम

भालुवाङ २१ मंसिर । लैंगिक हिंसा विरूद्वकाे १६ दिने अभियान कार्यक्रम अन्तरगत दाङको राप्ती गाउँपालिका वडा नम्बर ३ मा रहेकाे श्री माध्यमिक विद्यालय माैरीघाटमा सुशासित समाजकाे पहिचान, लैंगिक हिंसा विरूद्वकाे अभियान बिषयक वक्तृत्वकला प्रतियोगिता सम्पन्न भएकाे छ।

श्री मावि माैरीघाटकाे आयाेजना तथा नामसालिङ सामुदायिक विकास केन्द्र दाङकाे आर्थिक सहयाेगमा सञ्चालित प्रतियोगितामा कक्षा १२ कि छात्रा पुजा कवर प्रथम, अनिसा खनाल दोस्रो, खुमबहादुर राना तेस्रो र बाँकी सबैले सान्त्वना स्थान हासिल गरेका छन् । बिजेताहरूलाई प्रमाणपत्र र स्टेसनरी सामाग्री सहित पुरस्कारले पुरस्कृत गरिएको थियोे । विद्यालयका प्रधानाध्यापक पुर्णबहादुर खत्रीकाे अध्यक्षता एवम् वडा नम्बर ४ का वडा अध्यक्ष बिरबहादुर चाैधरीकाे प्रमुख आतिथ्यतामा प्रतियोगिता सम्पन्न भएकाे हाे ।

नामसालिङ सामुदायिक विकास केन्द्रका समाजिक परिचालिका पुस्तमा पुनकाे स्वागत मन्तव्यबाट सुरू भएकाे प्रतियोगितामा नामसालिङ सामुदायिक विकास केन्द्रका फिल्ड संयोजक धर्मबहादुर यादव, वडा अध्यक्ष बिरबहादुर चाैधरी लगायतका वक्ताहरूले शुभकामना मन्तव्य व्यक्त गरेका थिए ।