देउखुरीकाे मसुरीयामा भालुको आक्रमणबाट १ महिला घाईते 

भालुवाङ १९ मंसिर । दाङको देउखुरीमा भालुको आक्रमणबाट १ महिला घाइते भएकी छिन् ।

बुधबार दिउँसो अन्दाजी साढे १२ बजेको समयमा राप्ती गाउँपालिका वडा नं. ३ मसुरिया निवासी ४८ वर्षिय लखपति चाैधरीलाई भालुले आक्रमण गरि घाइते बनाएको छ । घण्टदेव सामुदायिक वनमा घरायसी प्रोयोजनको लागि मालुकाको पात टिप्न गएकी चौधरीलाई एक्कासी भालुले आक्रमण गरि घाईते बनाएको इलाका प्रहरी कार्यालय भालुवाङले जानकारी दिएको छ ।

घाइते महिलालाई प्रहरी चौकी मसुरियाबाट प्रहरी वरिष्ठ हवल्दार सुमन थापाको कमाण्डमा प्रहरी टोली र स्थानिय व्यक्तिहरुको समेत सहयोगमा उद्बार गरी उपचारका लागि भालुवाङ अस्पताल पठाएको त्यहाँ सामान्य उपचार पछि थप उपचारका लागि बुटवल पठाएकाे प्रहरीले बताएको छ ।