देउखुरीमा टिप्परको ठक्करबाट मोटरसाइकल चालकको मृत्यु (अपडेट)

सिसहनियाँ १३ कार्तिक । दाङको देउखुरीमा टिप्पर र मोटरसाइकल एक आपसमा ठोक्किदा मोटरसाइकल चालकको मृत्यु भएको छ ।

लमही- भालुवाङ सडक खण्ड अन्तरगत राप्ती गाउँपालिका-५ दोलाईखोला पुलको पुर्व तर्फ आज बेलुका ४:४० बजेको समयमा पश्चिमबाट पुर्व तर्फ जाँदै गरेको रा १ ख १९९८ नम्बरको टिप्पर र पुर्वबाट पश्चिम तर्फ आउँदै गरेको बा ६५ प ६६३३ नम्बरको मोटरसाइकल एक आपसमा ठोक्किदा मोटरसाइकल चालकको मृत्यु भएको हो ।

मृत्यु हुनेमा मुगु जिल्ला स्वरू गाउँपालिका-६ बस्ने अन्दाजी वर्ष २५ वर्षको चित्रबहादुर शाहीको मृत्यु भएको हो । गम्भीर घाइते भएका शाहीको सिसहनियाँ स्वास्थ्य चाैकीमा उपचारका क्रममा मृत्यु भएको चिकित्सले बताएका छन् । टिप्पर र चालकलाई इलाका प्रहरी कार्यालय भालुवाङले आफ्नो निमन्त्रणा लिएको छ ।