राजपुर दुर्घटना अपडेट- २ जनाकै मृत्यु

दाङ १० चैत । बस र मोटरसाइकल एक आपसमा ठोकिएर गम्भीर घाइते भएका राजपुर गाउँपालिका-५ नौसहराका प्रदीप यादवको पनि मृत्यु भएको जिल्ला प्रहरी कार्यालय दाङका डिएसपी जनक बहादुर मल्लले जानकारी दिए ।

दुर्घटनामा गम्भीर घाइते भएका प्रदीपलाई लमही अस्पतालमा सामान्य उपचार पछि थप उपचारका लागि नेपालगंज लैजादै गर्दा मृत्यु भएको डिएसपी मल्लले बताए । आज साँझ राजपुर गाउँपालिका-५ जंग्रहवा र नौसहरा बिचमा रहेको कोरियाखोला पुल नजिक गंगदीतर्फ जाँदै गरेका रा १ ख २३६० नम्बरको यात्रु बस र पूर्वतर्फ आउदै गरेको रा ७ प २०७ नम्बरको मोटरसाइकल एक आपसमा ठोक्किएका थिए । सो क्रममा मोटरसाइकलमा सवार प्रमोद यादवको घटनास्थलमै मृत्यु भएको थियो ।