गढवा गाउँपालिकाको १४ औं अधिवेशन सुरु, दुई विधेयक प्रस्तुत

गढवा २२ माघ । दाङ देउखुरी गढवा गाउँपालिकाको गाउँ सभाको १४ औं अधिवेशन शुरु भएको छ ।

आइतबार देखि गाउँपालिकाको सभाहलमा १४ औं अधिवेशनको पहिलो बैठक सुरु भएको गाउँपालिकाका प्रमुख प्रशासकीय अधिकृत अमरराज शर्माले जानकारी दिएका छन् ।

गढवा गाउँपालिकाका अध्यक्ष तथा गाउँसभाका अध्यक्ष यमनारायण शर्मा पोख्रेलले अधिवेशन शुभारम्भ भएको घोषणा गरेका थिए । गाउँसभाको पहिलो बैठकमा बिधेयक समितिका संयोजक लेखबहादुर थापा दुई वटा विध्येक प्रस्तुत गरेका थिए । आर्थिक रुपले विपन्न, सिमान्तकृत, विपन्न दलित, अशक्त तथा लोपोन्मुख नागरिकहरुलाई सामाजिक न्यायका सम्बन्धमा व्यवस्था गर्न बनेको विध्येक सामाजिक न्याय सम्बन्धी – २०८० र गढवा गाउँपालिकाको कृषि तथा पशुपंक्षी क्षेत्रको व्यवसाय संरक्षण, प्रवर्द्धन, आधुनिकीकरण तथा व्यवस्थापन गर्न बनेको विध्येक स्थानीय कृषि तथा पशुपंक्षी – २०८० प्रस्तुत गरेका थिए ।

त्यसैगरी लेखा समिति संयोजक आशाराम चौधरीले लेखासमितिको प्रतिबेदनमा मालेपले औल्याएको बेरुजु रकमको बिरेमा प्रतिबेदन प्रस्तुत गरेका थिए । उक्त दुबै विधेयकमा अर्को गाउँ सभाको बैठमा सदस्यहरुले राय सुझाव तथा संशोधनसम्बन्धी प्रस्ताव पेश गर्न सक्ने बताईएको छ ।गढवा गाउँपालिका गाउँ सभाको १४औं अधिवेशनको पहिलो बैठकमा गाउँपालिका उपाध्यक्ष शारदा कुमारी चौधरी, विभिन्न वडाका वडाध्यक्षहरु, कार्यपालिका सदस्यहरु, वडा सदस्यहरु, शाखा प्रमुखहरू लगायतकाको उपस्थिति रहेको थियो।