देउखुरीको छोट्की सिसहनियाँमा अटो दुर्घटना : चालक सहित ५ जना घाइते
भालुवाङ ५ कार्तिक । दाङको देउखुरीमा अटो दुर्घटनामा परि चालक सहित ५ जना घाइते भएका छन् ।
शनिबार राति ८:२० बजेको समयमा सिसहनियाँ बजार देखि छोट्की सिसहनियाँ जाँदै गरेको रा १ ख ६०४५ नम्बरको अटो रिक्सा छोट्की सिसहनियाँमा आफै अनियन्त्रित भई सडकको दायाँ विद्युुतको पोलमा ठोक्किएर पल्टिदा चालक सहित ५ जना घाइते भएको इलाका प्रहरी कार्यालय सिसहनियाँले जानकारी दिएको छ ।
घाइते हुनेहरूमा गढवा गाउँपालिका- ३ बस्ने वर्ष ५० की शिउकुमारी चाैधरी, सोही ठाउँ निवासी वर्ष ४५ कि अनिता चाैधरी, राप्ती गाउँपालिका- ४ माैरीघाट निवासी वर्ष ३२ का मंगलप्रसाद चाैधरी, सोही पालिकाको वडा नम्बर ५ निवासी वर्ष ९ कि निसिका चाैधरी र अटो चालक राप्ती गाउँपालिका- ५ लठ्ठहवा निवासी वर्ष ३७ का कमल चाैधरी घाइते भएका छन् ।
घाइते मध्ये ३ जनाको बुटवल सिटि हस्पिटलमा उपचाररत छन् । भने अनिता चाैधरीको बुटवलबाट थप उपचारका लाषि चितवन मेडिकल कलेजमा रिफर छ । चालकले मादकपदार्थ सेवन गरि अटो चलाएका कारण दुर्घटना भएको हुन सक्ने प्रहरीले बताएको छ ।
