भालुवाङमा स्वास्थ्य पुनस्र्थापना सम्बन्धी प्रदेश स्तरीय अन्तरक्रिया कार्यक्रम सम्पन्न
भालुवाङ ९ असोज । दाङको भालुवाङमा स्वास्थ्य पुनस्र्थापना सम्बन्धी प्रदेश स्तरीय अन्तरक्रिया कार्यक्रम सोमवार सम्पन्न भएको छ ।
राष्ट्रिय अपाङ्ग महासंघ नेपाल लुम्बिनी प्रदेशको आयोजना एवम् लुम्बिनी प्रदेश सरकार स्वास्थ्य मन्त्रालय, स्वास्थ्य निर्देशनालयको समन्वयमा सो कार्यक्रम सम्पन्न भएको हो । महासंघका कोषाध्यक्ष अजय कुमार शर्माको अध्यक्षता एवम् स्वास्थ्य मन्त्रालयका सचिव डा. जर्नाधन पन्थीको प्रमुख आतिथ्यतामा भएको कार्यक्रममा स्वास्थ्य मन्त्रालयको तर्फबाट स्वास्थ्य पुर्नस्थापना सम्बन्धि सम्पादित कार्यक्रमबारे जानकारी र राष्ट्रिय अपाङ्ग महासंघ नेपाल लुम्बिनी प्रदेशका व्यवस्थापक धिरेन्द्र विश्वकर्माले पुर्नस्थापना सेवालाई प्रकावकारी कार्यान्वयनका लागि सुझाव सहितको प्रस्तुतीकरण गरेका थिए ।
कार्यक्रममा स्वास्थ्य कार्यालयका बामदेव शर्मा, भौतिक पुर्वधार विकास मन्त्रालयकी सुभद्रा गौतम, सामाजिक विकास मन्त्रालयका दिवाकर भण्डारी, राष्ट्रिय अपाङ्ग महासंघका पुर्व केन्द्रिय सदस्य चिन्तामणी पौडेल, सामाजिक विकास महाशाखाकी कमला पौडेल र योजना अध्यक्ष मेघराज पौडेल लगायतकाले आ–आफ्नो भनाई राखेका थिए । कार्यक्रमको सञ्चालन महासंघका प्रदेश परियोजना अधिकृत शिव घर्ती मगरले गरेका थिए ।
