लुम्बिनी प्रदेशसभाको पहिलो अधिवेशनकाे पाँचौं बैठक सम्पन्न, कार्यव्यवस्था परामर्श समिति गठन
भालुवाङ २० माघ । लुम्बिनी प्रदेशको शुक्रबार बसेकाे पाँचौ प्रदेशसभा बैठकले प्रदेश सभाको कार्यव्यवस्था परामर्श समितिमा सदस्यको मनोनयन गरेको छ । प्रदेशसभाको पहिलो अधिवेशनको पाँचौं बैठकले कार्यव्यवस्था परामर्श समितिमा सदस्यहरुको मनोनयन गरेको हो ।
आजको बसेको प्रदेश सभाको बैठकमा मुख्यमन्त्री लिला गिरीले महालेखा परिक्षकको बार्षिक प्रतिवेदन २०७८ र २०७९ पनि पेस गरेका छन् । पेस गरिएको उक्त प्रतिवेदन सार्वजनिक लेखा समितिमा जानेछ । सार्वजनिक लेखा समितिले प्रतिवेदनको अध्ययन, छलफल र सुझाव दिने जनाइएको छ ।
बैठक सुरु भएलगत्तै नागरिक उन्मुक्ति पार्टीका सांसदहरुले प्रतिनिधिसभा सदस्य अरुण चौधरीको रिहाइको माग गर्दै उठेर विरोध जनाएपछि संसदीय दलका नेतालाई आफ्नो धारणा राख्न विशेष समय उपलब्ध गराइएको थियो ।
संसदीय दलका नेता धर्म चौधरीले पक्राउ परेका सांसद चौधरीको रिहाइको माग गर्दै संसद चल्न नदिने अडान राखेका थिए । त्यसलगत्तै १५ मिनेट स्थगित गरिएको संसद त्युपछि लगातार सुचारु भएको थियो ।
