एमाले महासचिव माओवादीबाट र माओवादी महासचिव एमालेबाट पराजित
दाङ ८ मंसिर । नेकपा एमालेका महासचिव शङ्कर पोख्रेल र नेकपा माओवादी केन्द्रका महासचिव देव गुरुङ पराजित भएका छन् । पोख्रेललाई माओवादी नेतृ रेखा शर्माले र गुरुङलाई एमाले नेता पृथ्वी सुब्बा गुरुङले पराजित गरेका हुन् ।
यस्तै लमजुङमा माओवादीका महासचिव गुरुङलाई हराउँदै एमाले सचिव गुरुङ प्रतिनिधि सभा सदस्यमा विजयी भए । विजयी पृथ्वीसुब्बा गुरुङले ३४ हजार ९ सय ६९ मत प्राप्त गरे । माओवादीका देव गुरुङले ३१ हजार ७ सय ८१ मत ल्याए ।
२०७४ सालको चुनावमा बाम गठबन्धन गरेर चुनावी प्रतिस्पर्धामा उत्रिएका एमाले र माओवादीले धेरै ठाउँमा कांग्रेसलाई पराजित गरेका थिए । यसपटक माओवादी कांग्रेस गठबन्धनसँग र एमाले विपक्षीमा उभिँदा दुवै दललाई घाटा लागेको छ ।
प्रतिक्रिया दिनुहोस्
