विश्वका एक अर्ब बालबालिका जलवायु परिवर्तनका कारण उच्च जोखिममा

कार्तिक २ काठमाडौं/ जलवायु परिवर्तनका कारण विश्वका झण्डै एक अर्ब बालबालिका उच्च जोखिममा रहेको तथ्यांक सार्वजनिक भएको छ । बालबालिकाको क्षेत्रमा काम गर्दै आएको अधिकार समूह किड्स राइट्सले झण्डै ८२ करोड बालबालिका उच्च जोखिममा रहेको चेतावनी दिएको हो ।

रिपोर्टमा आइसल्याण्ड, स्वीडेन र फिनल्याण्डलाई बालबालिकाको अधिकारका लागि उत्कृष्ट र सिएरालियोन, अफगानिस्तान र चाडलाई सबैभन्दा खराब सूचीमा राखिएको छ । संयुक्त राष्ट्र संघीय निकायले प्रदान गरेको तथ्यांकका आधारमा यो प्रतिवेदन निकालिएको खबरमा उल्लेख छ ।

द्रुत गतिमा परिवर्तन भइरहेको मौसमले बालबालिकाको भविष्य र आधारभूत अधिकारलाई खतरामा पारेको उनको भनाई छ ।