प्युठानमा गठबन्धन दलमा भाँडभैलो, काँग्रेसले दुर्गा पौडेललाई भोट नदिने घोषणा

बुटवल १५ असोज । सत्तारुढ गठबन्धनबीच भागवण्डा मिलेको दावी गरिहँदा देशभर विभिन्न प्रतिक्रिया आएका छन् । यस्तै प्रतिक्रिया प्युठानका कांग्रेस नेता प्रा. डा. गोविन्द पोखरेलले सार्वजनिक गरेका छन्।

पूर्व योजना आयोगका उपाध्यक्ष तथा नेपाली काँग्रेस केन्द्रीय सदस्य पोखरेलले आफूले प्युठानमा गठबन्धनको पक्षमा भोट नमाग्ने कुरा सामाजिक सञ्जालमार्फत सार्वजनिक गरेका हुन् ।

गठबन्धनबाट फेरि दुर्गा पौडेल नै उम्मेदवार हुने चर्चा चलेसँगै पोखरेलले यस्तो प्रतिक्रिया व्यक्त गर्नु भएको हो । ‘शुभेच्छुकहरुको प्रस्तावप्रति पार्टीको केन्द्रीय सदस्य भएकोले गम्भीर छु तर प्रस्तावलाई सकारात्मकरुपले लिएर उपायहरु खोज्दै छु,’ उनले लेखेका छन् ।