लुम्बिनी र गण्डकी प्रदेशमा आज मेघगर्जन र चट्याङसहित वर्षाको सम्भावना
काठमाडाैँ २५ भदौ । देशभर आज बिहानैदेखि मौसममा आंशिकदेखि सामान्य बदली भएको छ । जल तथा मौसम विज्ञान विभागअन्तर्गतको मौसम पूर्वानुमान महाशाखाका अनुसार लुम्बिनी र गण्डकी प्रदेशका थोरै स्थानमा मेघ गर्जन र चट्याङसहित हल्कादेखि मध्यम वर्षा भइरहेको छ ।
बाँकी प्रदेशका एकदुई स्थानमा समेत हल्का वर्षा भइरहेको विभागले जनाएको छ । हाल मनसुनको न्यून चापीय रेखा सरदर स्थानभन्दा केही दक्षिणतिर रहेको महाशाखाले जनाएको छ । महाशाखाका अनुसार आज दिउँसो देशभर आंशिकदेखि सामान्य बदली रहनेछ ।
लुम्बिनी र बागमती प्रदेशका एक–दुई स्थानमा मेघ गर्जन÷चट्याङसहित भारी वर्षाको सम्भावना रहेकाले वर्षा हुने पहाडी भूभागहरूमा भूक्षय, पहिरो तथा गेग्रान बहावको जोखिम रहेकोले सतर्कता अपनाउन मौसमबिदले आग्रह गरेका छन् ।
प्रतिक्रिया दिनुहोस्
