दाङमा लागुऔषध ब्राउन सुगर सहित दुई जना पक्राउ
दाङ ९ भदाै । तुलसीपुर प्रहरीले २२० मिलिग्राम अवैध लागुऔषध ब्राउनसुगरसहित दुई जनालाई पक्राउ गरेको छ ।
बुधबार बेलुका साढे ८ बजेतिर तुलसीपुरबाट २२० मिलिग्राम ब्राउनसुगरसहित दुई जनालाई पक्राउ गरेको इलाका प्रहरी कार्यालय तुलसीपुरका प्रमुख प्रहरी नायब उपरीक्षक पुष्पराज मल्लले जानकारी दिए ।
पक्राउ पर्नेमा बाँके कोहलपुर उपमहानगरपालिका–५ लोकनगर घर भैइ हाल तुलसीपुर उपमहानगरपालिका ६ कालिका मन्दिर नजिक ससुराली आएका २९ वर्षीय मान बहादुर गन्र्धभ रहेका छन् ।
गन्धर्भलाई सोधपुछ गर्दा लागूऔषध तुलसीपुर ६ बरुवागाउँ निवासी ३० वर्षिय अनिल विकसंग खरिद गरेको भन्ने वयान दिएपछि विकलाई पनि पक्राउ गरिएको डिएसपी मल्लले बताए । उनीहरु दुवै जनालाई म्याद थप गरि आवश्यक अनुसन्धान भैरहेको प्रहरीको भनाइ छ ।
प्रतिक्रिया दिनुहोस्
