कारागार प्रशासनले जीर्ण भवनको बारेमा बारम्बार पत्राचार गरे पनि हालसम्म कुनै सुधार नभएको जनाएको छ । खिया लागेर भत्किएका झ्याल, ढोका र कैदी बन्दीको अत्याधिक चापले बस्न गाह्रो छ ।
९६ वर्ष पुरानो कारागारमा जुनसुकै बेला भवन भत्किएर क्षति हुनसक्ने अवस्थाका बीच कैद भुक्तान गरिरहेका कैदीहरुलाई कारागारभित्रै मरिन्छ की भन्ने चिन्ता बढेको छ ।
जीर्ण भवनका कारण कैदीहरुको व्यवस्थापन मात्रै नभएर सुरक्षाकर्मी र कर्मचारीको व्यवस्थापनमा पनि समस्या आएको गौर कारागारका अधिकृत शम्भुप्रसाद यादवले बताए ।
कारागारको अवस्थाको बारेमा सम्बन्धित निकायलाई जानकारी गराए पनि हालसम्म प्रगति नभएको बताउँदै अधिकृत यादवले कोरोना संक्रमणका बेला क्षमताभन्दा बढी कैदी हुँदा जोखिम थपिएको बताए ।
साभार – अनलाइन खबर
