नेपालमा आज थप २२९ जनामा कोरोना संक्रमण, संक्रिय संक्रमित १,२८४ जना पुग्याे
काठमाडौं ३१ असार। पछिल्लो २४ घण्टामा नेपालमा थप २ सय ९९ जनामा कोरोना भाइरस कोभिड–१९ संक्रमणको पुष्टि भएको छ । स्वास्थ्य तथा जनसंख्या मन्त्रालयका अनुसार देशभरका प्रयोगशालामा ३ हजार ७ सय १८ नमुना परिक्षण गर्दा २ सय २९ जनामा संक्रमण पुष्टि भएको हो । यससँगै कुल सक्रिय संक्रमितको संख्या १ हजार २ सय ८४ पुगेको छ । जसमध्ये १ हजार ६ सय ४४ जनाको पीसीआर परीक्षण गर्दा १ सय ६१ जना र २ हजार ७४ जनाको एन्टिजेन परीक्षण गर्दा ६८ जनामा संक्रमण देखिएको मन्त्रालयको भनाइ छ । पछिल्लो २४ घण्टामा ४८ जना संक्रमणमुक्त भएका छन् ।
जसमध्ये १ हजार २ सय ४९ जना होम आइसोलेसनमा रहेका छन् भने ३५ जना संस्थागत आइसोलेसन र १४ जना आईसीयूमा छन् । यस्तै एक जनाको भेन्टिलेरमा राखेर उपचार भइरहेको मन्त्रालयले जनाएको छ । शुक्रबार थपिएसँगै नेपालमा कोरोना संक्रमितको कुल संख्या ११ लाख २१ हजार ९ सय ९६ पुगेको छ ।
