नेपालमा आज १९५४ जनामा कोरोना पुष्टि, २९८१ जना डिस्चार्ज, ११ जनाको मृत्यु

काठमाडौं १२ कात्तिक  । नेपालमा बितेको २४ घण्टामा १ हजार ९५४ जनामा कोरोना भाइरसको संक्रमण पुष्टि भएको छ । ८ हजार २४८ जनाको पीसीआर विधिबाट परिक्षण गर्दा १ हजार ९५४ जनामा संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ । यससँगै संक्रमितको संख्या १ लाख ६२ हजार ३५४ पुगेको छ।

यस्तै बितेको २४ घण्टामा २ हजार ९८१ जना कोरोना मुक्त भएका छन् । यससँगै कोरोना मुक्त हुनेको कुल संख्या १ लाख २१ हजार ८२४ पुगेको छ । अब देशभर सक्रिय संक्रमितको संख्या ३९ हजार ६४३ रहेको छ। जसमा संस्थागत आइसोलेशनमा ७ हजार ७०९ र होम आइसोलेशनमा ३१ हजार ९३४ रहेका छन् ।

यसैबीच पछिल्लो २४ घण्टामा ११ जना कोरोना संक्रमितको मृत्यु भएकोे छ। यससँगै नेपालमा कोरोनाबाट मृत्यु हुनेको कुल संख्या ८८७ पुगेको मन्त्रालयका प्रवक्ता डाक्टर जागेश्वर गौतमले जानकारी दिएका छन्।