दाङमा एक लाख बढी मतदाता थपिए, मतदान स्थल भन्दा मतदान केन्द्र दोब्बरले बढी

दाङ १५ चैत । २०७४ को स्थानिय तहको निर्वाचन पछि दाङमा एक लाख बढि मतदाता थपिएका छन् । २०७४ सालको स्थानिय तहको निर्वाचनमा जिल्लामा दुई लाख ९१ हजार १७० मतदाता रहेकोमा पाँच वर्ष पछि चार लाख ९ हजार ९ सय पुगेको लुम्बिनी प्रदेश निर्वाचन कार्यालय दाङका निर्वाचन अधिकारी नारायण भण्डारीले जानकारी दिए ।

जसमा जसमा महिला मतदाता संख्या २ लाख ९ हजार ९९ जना र पुरुष मतदाता संख्या २ लाख ७ सय ९९ जना रहेका छन् । यस्तैगरी अन्य दुई जना मतदाता संख्या रहेको उहाले जानकारी दिए ।

उहाका अनुसार अघिल्लो स्थानिय तहको निर्वाचनको तुलनामा यस पटक भने एक लाख १८ हजार ७३० जना मतदाता थपिएका छन् । आउदो वैशाख ३० गतेका लागी जिल्लामा मतदाता संख्या संगै मतदान स्थल र मतदान केन्द्र पनि थपिएको छ । २०७४ सालको स्थानिय तहको निर्वाचनमा जिल्लाभर १५१ मतदान स्थल रहेकोमा यस पटक बढाएर १५३ बनाइएको छ । यस्तैगरी जिल्लाभर ३५१ मतदान केन्द्रबाट हाल बढाएर ४६१ बनाईएको उनले जानकारी दिए ।
कुन पालिकामा कति मतदाता
जिल्लामा दुई उपमहानगरपालिका , एउटा नगरपालिका र सात वटा गाउँपालिका गरी दश वटा पालिका रहेका छन् । ती पालिका मध्ये आउदो स्थानिय तहको निर्वाचनका लागी सबैभन्दा धेरै घोराही उपमहानगरपालिकामा मतदाता रहेका छन् भने सबैभन्दा कम राजपुर गाउँपालिकामा रहेको प्रदेश निर्वाचन अधिकारी भण्डारीले जानकारी दिए । उनका अनुसार घोराहीमा १ लाख १२ हजार ९२७ मतदाता मध्ये ५८ हजार ७०६ जना महिला र ५४ हजार २१२ जना पुरुष मतदाता रहेको छन । त्यस्तैगरी सबैभन्दा थोरै राजपुर गाउँपालिकामा ८ हजार ४०७ जना पुरुष र ७ हजार ३१६ महिला गरी १५ हजार ७२३ जना मतदाताहरू रहेका छन् ।

तुलसीपुर उपमहानगरपालिकामा ५२ हजार १३३ जना पुरुष र ५ हजार ७०६ जना महिला गरी १ लाख ७ हजार ६७७, बबई गाउँपालिकामा १० हजार ९६२ जना पुरुष, ११ हजार १८२ जना महिला गरी २२ हजार १४४ , राप्ती गाउँपालिकामा १५ हजार ६२ जना पुरुष र १६ हजार ४६१ जना महिला गरी ३२ हजार ३२३, लमही नगरपालिकामा १७ हजार ५३ जना पुरुष र १७ हजार ३२९ जना महिला गरी ३४ हजार ३८२, शान्तिनगर गाउँपालिकामा १० हजार २१३ जना पुरुष र १० हजार ६५० जना महिला गरी जम्मा २० हजार ८६३, गढवा गाउँपालिकामा १५ हजार १९० जना पुरुष र १४ हजार ६११ जना महिला गरी जम्मा २९ हजार ८०२ , बंगलाचुली गाउँपालिकामा ७ हजार ८५९ जना पुरुष र ८ हजार ९४ जना महिला गरी जम्मा १५ हजार ९५३ जना र दंगीशरण गाउँपालिकामा पनि ८ हजार ९९ जना पुरुष र ९ हजार २०७ जना गरी जम्मा १८हजार १०६ जना मतदाता रहेको उहाले जानकारी दिए ।
देशभर १ करोड ७७ लाख मतदाता
देशभर मतदाताको संख्या पौने दुई करोड रहेको छ । निर्वाचन आयोगले आईतवार सार्वजनिक गरेको विवरण अनुसार देशभर मतदाताको संख्या एक करोड ७७ लाख ३३ हजार सात सय २३ जना रहेको छ । जसमा ८९ लाख ९२ हजार १० जना पुरुष मतदाता रहेका छन् भने महिला मतदाता ८७ लाख ४१ हजार पाँच सय ३० जना रहेको आयोगले जनाएको छ । त्यस्तै अन्यमा एक सय ८३ जना मतदाता छन् ।

यस्तैगरी आयोगले आउँदो वैशाख ३० गते हुने स्थानीय तहको चुनावमा लागि मतदानस्थल र मतदान केन्द्रको टुङ्गो लगाएको छ । जस अन्र्तगत देशभर १० हजार सात सय ५६ मतदानस्थल रहने छन् भने २१ हजार नौ सय ५५ मतदान केन्द्र रहेका छन् । आयोगका अनुसार ७७ वटै जिल्ला मध्ये सबैभन्दा धेरै मतदाता मोरङमा सात लाख १५ हजार दुई सय २३ जना छन् भने सबैभन्दा कम मनाङमा ६ हजार चार सय ९६ मतदाता रहेका छन् । २०७४ सालको स्थानीय तहको चुनावमा भन्दा यस पटकको निर्वाचनमा ३६ लाख ५९ हजार दुई सय ९९ जना धेरै मतदाता थपिएका छन् । २०७४ सालमा भएको चुनावमा एक करोड ४० लाख ७४ हजार चार सय ४० मतदाता रहेको आयोगले जनाएको छ ।