देशभर बिहिबार थप २,००४ जनामा कोरोना संक्रमण पुष्टि, १,८४६ जना संक्रमणमुक्त, १६ जनाको मृत्यु
काठमाडौं १७ भदौ । देशभर बिहिबार थप २ हजार ४ जनामा कोरोना भाइरस संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार १० हजार ६ सय ५८ पीसीआर परीक्षणमा १ हजार ६ सय १९ जना र ३ हजार ९ सय ९२ एन्टिजेन परीक्षणमा ३ सय ८५ जना गरी २ हजार ४ जनामा संक्रमण पुष्टि भएको हो ।
बिहिबार कोरोना संक्रमणमुक्त हुनेको संख्या १ हजार ८ सय ४६ रहेको छ भने १६ जनाको मृत्यु भएको छ । हाल कोरोना भाइरसको सक्रिय संक्रमितको संख्या ३३ हजार ९ सय ४६ रहेको छ जसमध्ये ३१ हजार ६ सय १९ जना होम आइसोलेसनमा र २ हजार ३ सय २७ जना संस्थागत आइसोलेसनमा छन् ।
बिहिबार काठमाडौं उपत्यकामा ७ सय ९३ जना संक्रमित भेटिएका छन् । काठमाडौंमा ५ सय ४१, ललितपुरमा १ सय ५२ र भक्तपुरमा १ सय जना संक्रमित भेटिएका छन् । त्यस्तै झापामा १ सय २६, मोरङमा १ सय १२, कास्कीमा १ सय ५, सुनसरीमा ६४, चितवनमा ६०, रुपन्देहीमा ४१ र काभ्रेमा २८ जना संक्रमित भेटिएका छन् ।
