देशभर बिहिबार थप ३,०७५ जनामा कोरोना सङ्क्रमण पुष्टि, २,१२६ जना संक्रमण मुक्त, ३३ जनाकाे मृत्यु
काठमाण्डाै ३ भदाै । नेपालभर बिहिबारमा थप ३ हजार ७५ जनामा कोरोना सङ्क्रमण पुष्टि भएको छ । पीसीआर र एन्टिजेन गरी १६ हजार ४ सय ३८ जनाको नमुना परीक्षण गर्दा ३ हजार ७५ जनामा सङ्क्रमण पुष्टि भएको हो ।
बिहिबार परीक्षण गरिएका नमुनामध्ये १८ दशमलव ७० प्रतिशतमा सङ्क्रमण देखिएको छ । याेसँगै नेपालमा काेराेना सङ्क्रमण पुष्टि हुनेकाे सङ्ख्या ८ लाख २० हजार ६ सय ६ पुगेकाे स्वास्थ्य तथा जनसङ्ख्या मन्त्रालयले जनाएकाे छ ।
यस्तै थप २ हजार १ सय २६ जना निको भएसँगै कोरोना सङ्क्रमणमुक्त हुनेको सङ्ख्या ६ लाख ९१ हजार २ सय ९९ पुगेको छ । यही अवधिमा थप ३३ जना सङ्क्रमितको ज्यान गएसँगै नेपालमा कोरोना सङ्क्रमणबाट ज्यान गुमाउनेको सङ्ख्या १० हजार ४ सय २९ पुगेको छ ।
अहिले ४० हजार ५ सय जना सक्रिय सङ्क्रमित रहेकामा ७ सय ३९ जनाको आईसीयू र १ सय ६८ जनाको भेन्टिलेटरमा उपचार भइरहेको मन्त्रालयले जनाएकाे छ ।
