देशभर बुधबार थप ३,४०३ जनामा काेराेना सङ्क्रमण पुष्टि, २,१०४ जना संक्रमण मुक्त, ४२ जनाकाे मृत्यु
काठमाण्डाै २ भदाै । नेपालमा कोरोना भाइरसका सक्रिय सङ्क्रमितको सङ्ख्या ४० हजार नाघेको छ । बुधबार देशभर थप ३ हजार ४ सय ३ जनामा सङ्क्रमण पुष्टि भएसँगै सक्रिय सङ्क्रमितको सङ्ख्या ४० हजार ३ सय २८ पुगेको स्वास्थ्य तथा जनसङ्ख्या मन्त्रालयले जनाएको छ ।
पीसीआर र एन्टिजेन गरी १६ हजार ८ सय ३८ जनाको नमुना परीक्षण गर्दा ३ हजार ४ सय ३ जनामा सङ्क्रमण पुष्टि भएको मन्त्रालयका प्रवक्ता डा. कृष्ण पौडेलले जानकारी दिए ।
बुधबार परीक्षणकाे २० प्रतिशतभन्दा धेरैमा सङ्क्रमण पुष्टि भएकाे हाे । नेपालमा कोरोना सङ्क्रमण पुष्टि हुनेको सङ्ख्या ८ लाख १७ हजार ५ सय ३० पुगेकाे छ ।
यस्तै बुधबार २ हजार १ सय ४ जना निको भएसँगै कोरोना सङ्क्रमणमुक्त हुनेको सङ्ख्या ६ लाख ८९ हजार ए१ सय ७३ जना पुगेको छ । यही अवधिमा कोरोना सङ्क्रमणका कारण ४२ जनाको ज्यान गएको छ । योसहित ज्यान गुमाउनेको सङ्ख्या १० हजार ३ सय ९६ पुगेको छ ।
कोरोनाका सङ्क्रमितमध्ये ७ सय ७० जनाको आईसीयू र १ सय ८६ जनाको भेन्टिलेटरमा उपचार भइरहेको छ ।
