देशभर आईतबार थप २,२१२ जनामा कोरोना सङ्क्रमण पुष्टि, १,८६७ जना संक्रमण मुक्त, ३३ जनाकाे मृत्यु
काठमाण्डाै ३१ साउन । देशभर आईतबार २ हजार २ सय १२ जनामा कोरोना सङ्क्रमण पुष्टि भएको छ । ८ हजार ८८ जनाको पीसीआर र ४ हजार १८ जनाको एन्टिजेन गरी १२ हजार १ सय ६ जनाको नमुना परीक्षण गर्दा २ हजार २ सय १२ जनामा कोरोना सङ्क्रमण पुष्टि भएको स्वास्थ्य तथा जनसङ्ख्या मन्त्रालयले जनाएको छ ।
आईतबार कुल परीक्षणको १८ दशमलव २७ प्रतिशतमा सङ्क्रमण पुष्टि भएकाे हाे । आईतबार थपिएका सहित नेपालमा कोरोना सङ्क्रमण पुष्टि हुनेको सङ्ख्या ८ लाख ७ हजार ४ सय २ पुगेको छ ।
यस्तै आईतबार थप १ हजार ८ सय ६७ जना निको भएसँगै कोरोना सङ्क्रमणमुक्त हुनेको सङ्ख्या ६ लाख ८२ हजार ६ सय ८२ पुगेकाे छ । यही अवधिमा थप ३३ जनाले कोरोना सङ्क्रमणका कारण ज्यान गुमाएका छन् । योसहित कोरोना सङ्क्रमणबाट ज्यान गुमाउनेको सङ्ख्या १० हजार २ सय ९२ जना पुगेको छ ।
अहिले नेपालमा ३९ हजार दुई सय ९८ जना सक्रिय सङ्क्रमित छन् । सक्रिय सङ्क्रमितमध्ये सात सय ५८ जनाको आईसीयू र एक सय ९३ जनाको भेन्टिलेटरमा उपचार भइरहेको छ ।
