देशभर आईतबार थप २,५४८ जनामा काेराेना संक्रमण पुष्टि, २,०२९ संक्रमण मुक्त, ५५ जनाको मृत्यु
काठमाण्डाै २४ साउन । देशभर आईतबार थप २ हजार ५ सय ४८ जनामा कोरोना सङ्क्रमण पुष्टि भएको छ । ९ हजार ३३ जनाको पीसीआर र ३ हजार ३ सय ४५ जनाको एन्टिजेन गरी १२ हजार ३ सय ७८ जनाको नमुना परीक्षण गर्दा २ हजार ५ सय ४८ जनामा सङ्क्रमण पुष्टि भएको हो ।
यो कुल परीक्षणको साढे २० प्रतिशतभन्दा धेरै हो । अहिलेसम्म नेपालमा ७ लाख ८३ हजार ३ सय ५५ जनामा कोरोना सङ्क्रमण पुष्टि भएको छ ।
यस्तै थप २ हजार २९ जना निको भएसँगै सङ्क्रमणमुक्त हुनेको सङ्ख्या ६ लाख ६९ हजार दुई सय ९९ जना पुगेको छ । अहिले नेपालमा ३५ हजार ४ सय ८५ जना कोरोनाका सक्रिय सङ्क्रमित छन् ।
आईतबार नेपालमा कोरोना सङ्क्रमणका कारण ५५ जनाको ज्यान गएको छ । योसहित कोरोना सङ्क्रमणबाट ज्यान गुमाउनेको सङ्ख्या १० हजार ९३ जना पुगेको स्वास्थ्य तथा जनसङ्ख्या मन्त्रालयले जनाएको छ ।
निषेधाज्ञाको समयमा सङ्क्रमित घटेसँगै ज्यान गुमाउनेको सङ्ख्या पनि घटेको भए पनि केही दिनदेखि अस्पताल भर्ना हुने र ज्यान गुमाउनेको सङ्ख्या बढिरहेको मन्त्रालयले जनाएको छ ।
