देउखुरीको कालाकाटेबाट स्वचालित पेस्तोल, म्यागजिन र गोली सहित दुई जना भारतीय नागरिक पक्राउ

भालुवाङ १९ साउन । दाङमा प्रहरीले स्वचालित पेस्तोल सहित भारतीय दुई जनालाई पक्राउ गरेको छ । देउखुरीकाे गढवा गाउँपालिका १ जुरौलीबाट एक थान स्वचालित पेस्तोल, २ थान म्यागजीन, २ थान गोली र ३ वटा मोबाईल सहित दुई जना भारतिय नागरिकलाई प्रहरीले पक्राउ गरेको हो ।

उनिहरुले विक्रिका लागि दाङमा हतियार ल्याएको बताएका छन् । प्रहरीले हतियार सहित मानिस आउदै गरेको सूचना पाएपछि ग्रहाक बनेर उनिहरुलाई हतियार सहित नियन्त्रणमा लिन सफल भएको दाङका प्रहरी प्रमुख एसपी सुरेशप्रसाद काफ्लेले जानकारी दिए । उनिहरुका विरुद्ध हातहतियार खरखजना सम्बन्धि मुद्धामा अनुसन्धान र कार्वाही प्रकृया अघि बढाईएको पत्रकार सम्मेलनमा जानकारी दिईएको छ ।